Virat Kohli Centuries Records : आंतरराष्ट्रीय क्रिकेटच्या तिन्ही फॉरमॅटमध्ये शतक झळकावणारा कोहली ठरला चौथा भारतीय

आशिया कपमध्ये अफगाणिस्तानविरुद्धच्या सामन्यात विराट कोहलीने ( Virat Kohli ) 33 महिन्यांनंतर आंतरराष्ट्रीय क्रिकेटमध्ये शतक झळकावले. कोहलीचे हे टी-20 मधले पहिले आणि आंतरराष्ट्रीय क्रिकेटमधील 71 वे शतक आहे. आंतरराष्ट्रीय क्रिकेटच्या तिन्ही फॉरमॅटमध्ये शतक झळकावणारा कोहली चौथा भारतीय ठरला ( virat kohli fourth indian batsman ) आहे.

दुबई: विराट कोहली ( Virat Kohli ) टी-20 आंतरराष्ट्रीय क्रिकेट सामन्यात शतकांचा दुष्काळ संपवेल, असे भाकीत फार कमी लोकांनी केले असेल. पण गुरुवारी दुबईत अफगाणिस्तानविरुद्ध 1020 दिवसांची प्रतीक्षा 2022 आशिया चषकात संपुष्टात आली, जेव्हा त्याने केवळ 61 चेंडूत नाबाद 122 धावा केल्या. कोहलीने आपले 71 वे आंतरराष्ट्रीय शतक झळकावून ऑस्ट्रेलियाचा माजी कर्णधार रिकी पाँटिंगची बरोबरी ( Virat Kohli tied Ricky Ponting ) केली.

तिन्ही फॉरमॅटमध्ये शतक करणारा विराट चौथा भारतीय (Virat kohli fourth indian batsman ) -

यासोबतच विराट कोहलीने अनेक विक्रम आपल्या नावावर केले. क्रिकेटच्या तिन्ही फॉरमॅटमध्ये शतके झळकावणाऱ्या भारतीय फलंदाजांमध्ये विराट कोहलीचे ( Virat Kohli century record ) नावही जोडले गेले आहे. अशी कामगिरी करणारा तो चौथा भारतीय फलंदाज ठरला ( Kohli scored centuries in all three formats ) आहे. कोहलीच्या आधी सुरेश रैना, रोहित शर्मा आणि केएल राहुल यांनी हा पराक्रम केला आहे.

विराट कोहलीच्या टी-20 शतकामुळे विक्रमांचा पाऊस -

या शतकामुळे विराट कोहलीने टी-20 आंतरराष्ट्रीय क्रिकेटमध्ये 100 षटकार ( 100 sixes in T20 international cricket )ही पूर्ण केले. रोहित शर्मानंतर अशी कामगिरी करणारा तो दुसरा भारतीय फलंदाज ठरला आहे. जगात केवळ नऊ फलंदाजांनी हा पराक्रम केला आहे. विराट कोहली आशिया कप टी-20 ( Asia Cup T20 ) फॉरमॅटमध्ये शतक झळकावणारा पहिला फलंदाज ठरला आहे. टी-20 आंतरराष्ट्रीय क्रिकेटमध्ये सर्वाधिक वेळा सामनावीर ठरण्याचा विक्रमही विराट कोहलीच्या नावावर आहे. तो अफगाणिस्तानच्या मोहम्मद नबीसोबत संयुक्तपणे पहिल्या स्थानावर आहे.

हेही वाचा -Virat Kohli Interview : रोहित शर्माने घेतली विराट कोहलीची मुलाखत,पाहा बीसीसीआयने शेअर केलेला मजेशीर व्हिडिओ