IND vs SL : विराट आणि रोहितने कसोटी मालिकेसाठी सराव सत्रात गाळला घाम

रोहित आणि विराटने वेगवेगळ्या वेळी वेगवेगळ्या नेटमध्ये ( Virat Kohli and Rohit Sharma practice ) फलंदाजी केली. एकेकाळी उपकर्णधार असलेल्या रोहितने 30 यार्डांच्या अंतरावरून माजी कर्णधार कोहलीच्या सरावावरही लक्ष ठेवले होते. रोहितने सुमारे 45 मिनिटे फलंदाजी केल्यानंतर संघाच्या सरावाची पाहणी देखील केली.

मोहाली : भारत आणि श्रीलंका ( India and Sri Lanka ) संघात शुक्रवार (4 मार्च) पासून दोन कसोटी मालिकेतील पहिल्या सामन्याला सुरुवात होणार आहे. तसेच हा सामना विराट कोहलीचा 100वा कसोटी सामना आहे. त्यामुळे भारताचा माजी कर्णधार विराट कोहलीने आपल्या 100व्या कसोटीच्या ( Virat Kohli 100th Test match ) तयारीसाठी येथील पीसीए स्टेडियमवर नेटमध्ये जोरदार सराव केला. या सराव सत्रात त्याच्यासोबत कर्णधार रोहित शर्मानेही फलंदाजीचा भरपूर सराव केला.

दोन्ही स्टार खेळाडूंनी वेगवेगळ्या नेटवर अनेक वेळा फलंदाजीचा सराव केला. ज्यामध्ये थ्रोडाउन, फिरकीपटू, वेगवान गोलंदाज आणि नेट गोलंदाजांविरुद्धच्या सरावात समावेश होता. रोहितने मोहम्मद शमीच्या चेंडूंवर काही शॉट्स खेळले. तसेच कोहलीने मोहम्मद सिराजच्या वेगवान गोलंदाजीचा सामना ( Kohli faced bowling of Mohammad Siraj ) करताना काही कव्हर ड्राईव्ह सुद्धा मारले.

रोहित आणि विराटनो वेगवेगळ्या वेळी वेगवेगळ्या नेटवर कसून फलंदाजी केली. एकेकाळी उपकर्णधार असलेल्या रोहितने 30 यार्डांच्या अंतरावरून माजी कर्णधार कोहलीच्या सरावावरही लक्ष ठेवून होता. रोहितने सुमारे 45 मिनिटे फलंदाजी ( Rohit batted for 45 minutes ) केल्यानंतर संघाच्या सरावाची पाहणी केली.

या दरम्यान तो दोनवेळा डाव्या हाताचा स्पिनर सौरभ कुमाराच्या गोलंदाजीवर शॉट लगावताना दिसला. तो फलंदाजी करत असताना, कोहली फलंदाजी प्रशिक्षक विक्रम राठोड आणि रवींद्र जडेजा यांच्याशी संभाषण करत होता. ज्यात ते हसताना दिसून आले. विराट खूप 'रिलॅक्स' होता आणि 100 व्या कसोटीबाबत त्याच्यावर कोणतेही दडपण नव्हते. रोहित शर्माने सराव सत्रात यष्टीच्या बाहेर जात असलेले मोहम्मद शमी आणि जसप्रीत बुमराहाचे चेंडू सोडले.

कसोटी सामन्यापूर्वी कोहलीची तयारी कशी आहे? यावर सुनील गावसकर खेळत असतानाच्या दिवसातील विधानाचा उल्लेख करता येईल. ज्यात त्यांनी म्हटले आहे की, "जेव्हा मी नेटमध्ये चांगली फलंदाजी करत नसे, तेव्हा मी कसोटीत चांगली कामगिरी करायचो."

रोहितने सराव सत्रादरम्यान थ्रोडाउन विशेषज्ञ आणि फिरकीपटूंविरुद्ध अनेक सत्रे केली. जे स्पष्ट संकेत होते की, तो फक्त कर्णधार बनू इच्छित नाही, तर खेळाडूंसाठी एक आदर्श ठेवण्यावर विश्वास ठेवणारा कसोटीत एक कर्णधार बनू इच्छित आहे.