ICC T20I Rankings : वेस्ट इंडिज विरुद्ध टी-20 मालिका जिंकत भारत आयसीसीच्या टी20 क्रमवारीत अव्वल स्थानी विराजमान

भारताने वेस्ट इंडिज विरुद्धच्या टी-20 मालिकेत 3-0 ने विजय मिळवला आहे. याचा फायदा होऊन भारतीय संघ आता सहा वर्षानंतर आयसीसीच्या टी-20 क्रमवारीत अव्वल ( India No.1 team ICC T20I rankings) स्थानी आला आहे.

कोलकाता :भारत आणि वेस्ट इंडिज ( India and West Indies ) संघात तीन सामन्यांची टी-20 मालिका पार पडली आहे. या मालिकेतील शेवटचा सामना रविवारी कोलकाता येथील ईडन गार्डन्सवर पार पडला. या सामन्यात भारताने वेस्ट इंडिज संघावर 17 धावांनी मात ( India beat West Indies by 17 runs ) केली. त्याचबरोबर या मालिकेत वेस्ट इंडिजला 3-0 ने क्लीन स्वीप दिला. त्याचबरोबर ही मालिका जिकंत भारताने आयसीसीच्यी टी-20 क्रमवारीत अव्वल स्थान पटकावले आहे.

या सामन्यात वेस्ट इंडिज संघाने नाणेफेक जिंकत भारताला प्रथम फलंदाजी करण्यासाठी आमंत्रित केले होते. त्यामुळे भारताने प्रथम फलंदाजी करताना निर्धारित 20 षटकात 5 बाद 184 धावा केल्या होत्या. तसेच वेस्ट इंडिजला 185 धावांचे लक्ष्य दिले होते. या आव्हानाचा पाठाग करताना वेस्ट इंडिज संघ करताना निर्धारित 20 षटकात 9 गडी गमावून 167 धावाच करु शकला. त्यामुळे भारताने हा सामना जिंकत वेस्ट इंडिजला क्लीन स्वीप देत ( India clean sweep to West Indies ) मालिका खिश्यात घातली.

भारताने ही टी-20 मालिका 3-0 फरकाने जिंकल्याने याचा भारतीय संघाला खुप मोठा फायदा झाला आहे. या विजयामुळे भारतीय संघ सहा वर्षानंतर आयसीसीच्या टी-20 क्रमवारीच्या यादीत ( List of ICC T20 rankings ) पहिल्या स्थानी विराजमान झाला ( India tops ICC T20 rankings ) आहे. या अगोदर एमएस धोनीच्या नेतृत्वाखाली भारतीय संघ 12 फेब्रुवारी ते 3 मे 2016 या दरम्यान टी20 क्रमवारीत अव्वल स्थानी होता. त्यानंतर आता सहा वर्षांनी भारतीय संघाने रोहित शर्माच्या नेतृत्वाखाली पहिल्या स्थानावर कब्जा केला आहे.

आयसीसीच्या टी-20 क्रमवारीत भारताने इंग्लंडला मागे टाकत हे स्थान पटकावले ( India beat England in T20I rankings ) आहे. या अगोदर इंग्लंडचा संघ 269 गुणांनी आयसीसीच्या टी-20 क्रमवारी गुणतालिकेत अव्वल स्थानी होता. आता भारतीय संघाने देखील 269 गुणांची कमाई करत अव्वलस्थान पटकावले आहे.