माउंट मौंगानुई: भारताचा स्टार फलंदाज सूर्यकुमार यादवने (Suryakumar yadav) एका वर्षात दोन टी-20 शतके झळकावणारा दुसरा भारतीय खेळाडू ठरला. त्याने खेळाच्या सर्वात लहान आंतरराष्ट्रीय फॉरमॅटमध्ये आपली प्रभावी घौडदौड सुरू ठेवली. वर्षात दोन टी-20 आंतरराष्ट्रीय शतके झळकावणारा कर्णधार रोहित शर्मा 2018 मधील पहिला भारतीय फलंदाज आहे.
शतकाचा आनंद मोठा- सुर्यकूमार रविवारी न्यूझीलंडविरुद्ध (IND vs NZ) नाबाद १११ धावा करून, सूर्यकुमार आंतरराष्ट्रीय स्तरावर दोन किंवा अधिक शतके झळकावणाऱ्या भारतीय फलंदाजांच्या यादीत सामील झाला. या यादीत सूर्यकुमारच्या आधी रोहित आणि सलामीवीर लोकेश राहुल यांचा समावेश आहे. सूर्यकुमारने यावर्षी जुलैमध्ये इंग्लंडविरुद्ध या फॉरमॅटमधील पहिले शतक झळकावले होते. रविवारी सामन्यानंतर सूर्यकुमारने माध्यमांना सांगितले की, टी-२० क्रिकेटमध्ये शतक नेहमीच खास असते. मी अशा प्रकारे फलंदाजीचा आनंद घेत आहे, मी सरावाच्या वेळी नेट सेशनमध्येही असेच करतो. मला त्याचा खूप आनंद झाला आहे.
सूर्यकुमारने 19व्या षटकात लॉकी फर्ग्युसनच्या चेंडूवर लागोपाठ चौकार मारले. गेल्या वर्षी मार्चमध्ये टी-२० फॉरमॅटमध्ये पदार्पण केल्यापासून सूर्यकुमार उत्कृष्ट फॉर्ममध्ये आहे. त्याने 41 सामन्यांत 45.00 च्या सरासरीने 1300 हून अधिक धावा केल्या आहेत. या दरम्यान त्याचा 181.64 हा स्ट्राईक रेट टी-20 फॉरमॅटमधील कोणत्याही फलंदाजाशी तुलना करता सर्वोत्तम आहे.