नवी दिल्ली : भारताचे माजी दिग्गज सुनील गावसकर यांनी केएल राहुलचा वर्ल्ड टेस्ट चॅम्पियनशिप 2023 च्या अंतिम फेरीसाठी निवडलेल्या संघातील शेवटच्या 11 खेळाडूंमध्ये समावेश केला आहे. त्याला केएस भरतपेक्षा प्राधान्य देण्यास सांगितले आहे. कारण अजिंक्य रहाणेचे संघात खेळणे जवळपास निश्चित आहे, अशा स्थितीत फलंदाजीची फळी मजबूत करण्यासाठी केएल राहुलकडे यष्टिरक्षणाची जबाबदारी दिली जाऊ शकते. वर्ल्ड टेस्ट चॅम्पियनशिपचा अंतिम सामना लंडनमधील ओव्हल येथे 7 जून 2023 पासून खेळवला जाणार आहे.
केएल सहाव्या क्रमांकावर फलंदाजीसाठी योग्य :भारताचे माजी कर्णधार सुनील गावस्कर यांनी ऑस्ट्रेलियाविरुद्धच्या जागतिक कसोटी चॅम्पियनशिप 2023 च्या अंतिम सामन्यासाठी केएल राहुलला त्याच्या प्लेइंग इलेव्हनमध्ये नियमित यष्टीरक्षक केएस भरतपेक्षा प्राधान्य देण्याचा सल्ला दिला आहे. सुनील गावसकर यांनी कर्णधार रोहित शर्मा आणि शुभमन गिल यांची सलामीवीर म्हणून निवड केली, तर केएल राहुल सहाव्या क्रमांकावर फलंदाजीसाठी योग्य मानला जातो. त्याने चेतेश्वर पुजारा आणि विराट कोहलीला तिसऱ्या आणि चौथ्या क्रमांकावर फलंदाजीसाठी निवडले, तर अजिंक्य रहाणेला त्याच्या नेहमीच्या क्रमवारीत पाचव्या क्रमांकावर परतवले.
रहाणेची निवड योग्य : याशिवाय संघातील दोन फिरकीपटूंपैकी रवींद्र जडेजा आणि रविचंद्रन अश्विन यांना खेळण्यास सांगितले. त्याचबरोबर जयदेव उनाडकट, मोहम्मद शमी आणि मोहम्मद सिराजला फास्ट बॉलिंगमध्ये वापरण्याचा सल्ला दिला, कारण जयदेव डाव्या हाताने गोलंदाजी करतो आणि वेगवान गोलंदाजीत वैविध्य असेल. स्टार स्पोर्ट्सच्या क्रिकेट लाईव्हवर बोलताना सुनील गावसकर म्हणाले की, रहाणेची निवड योग्य आहे. संघात कदाचित हाच बदल हवा होता. त्याची निवड केवळ त्याच्या आयपीएल 2023 च्या कामगिरीवर आधारित नसून मुंबईसाठी अतिशय चांगल्या रणजी ट्रॉफी हंगामावर आधारित आहे, याची सर्वांना आठवण करून देत आहे.
केएस भरतपेक्षा केएल राहुलला प्राधान्य :श्रेयस अय्यरला पर्याय म्हणून रहाणेची निवड करणे आवश्यक होते. अजिंक्य रहाणेने त्याचे रणजी सामने आणि सध्याचे आयपीएल फॉर्म यांच्या एकत्रित प्रयत्नाने जागतिक कसोटी चॅम्पियनशिप संघात स्वतःला स्थान मिळवून दिले आहे. तर प्लेइंग इलेव्हनमध्ये नियमित यष्टीरक्षक केएस भरत किंवा केएल राहुल असतील. त्यासाठी प्रतीक्षा करावी लागेल, परंतु फलंदाजीची फळी मजबूत ठेवण्यासाठी केएस भरतपेक्षा केएल राहुलला प्राधान्य देण्याचे गावसकर यांनी म्हटले आहे.
हेही वाचा :IPL 2023 : रॉयल चॅलेंजर्स बंगळुरूला आणखी एक धक्का, केकेआर कडून २१ धावांनी पराभव
