मुंबई - भारताचा माजी कर्णधार महेंद्रसिंह धोनी याचा आज लग्नाचा वाढदिवस आहे. धोनीच्या लग्नाला आज ११ वर्ष पूर्ण झाली आहेत. यानिमित्ताने धोनीने पत्नी साक्षीला एक शानदार विंटेज कार गिफ्ट दिली आहे. याची माहिती खुद्द साक्षीने दिली.
साक्षीने तिच्या इन्स्टाग्राम अकाऊंटवर धोनीने गिफ्ट केलेल्या कारचा फोटो पोस्ट केला आहे. यासोबत तिने धोनीला 'थँक्यू' म्हटलं आहे. दरम्यान, धोनीने गिफ्ट केलेली कार ही जुन्या काळातील आहे. यामुळे ती नेमकी कोणती कंपनी आणि मॉडेल आहे हे अजून स्पष्ट झालेले नाही. आज लग्नाच्या वाढदिवसाच्या निमित्ताने धोनी आणि साक्षीना चाहते सोशल मीडियावर भरभरून शुभेच्छा देत आहेत.
धोनी आणि साक्षी यांनी ४ जुलै २०१० मध्ये लग्नगाठ बांधली. मोजक्याच लोकांच्या उपस्थितीत हा लग्नसोहळा पार पडला होता. या दोघांना एक मुलगी आहे. तिचे नाव जीवा असून तिच्या नावाने सोशल मीडिया अकाउंट देखील आहे. तिच्या अकाउंटवरुन साक्षी आणि धोनीचे फोटो शेअर करण्यात येतात.