मुंबई: यशस्वी जैस्वाल (५९) आणि रविचंद्रन अश्विन (४०) यांच्या मदतीने राजस्थान रॉयल्सने (RR) चेन्नई सुपर किंग्जचा (CSK) पाच गडी राखून पराभव केला. चेन्नईने 20 षटकांत 6 गड्यांच्या मोबदल्यात 150 धावा केल्या. त्याचवेळी रविचंद्रन अश्विनला फलंदाजी आणि गोलंदाजीतील उत्कृष्ट कामगिरीसाठी 'सामनावीर' म्हणून गौरवण्यात आले.
राजस्थानची सुरुवात खराब : 151 धावांच्या लक्ष्याचा पाठलाग करताना राजस्थान रॉयल्स संघाची सुरुवात खराब झाली. संघाने दुसऱ्याच षटकात जोस बटलरची विकेट गमावली. गोलंदाज सिमरजीत सिंगने पहिल्याच षटकात बटलरला (2) मोईन अलीकडे झेलबाद केले. त्याच्यानंतर कर्णधार संजू सॅमसनने क्रीझवर येऊन सलामीवीर यशस्वी जैस्वालसह डाव पुढे नेला. पॉवरप्लेदरम्यान संघाने एक गडी गमावून 52 धावा केल्या.
अश्विन-जैस्वालची शानदार भागीदारी : दुसऱ्या विकेटसाठी दोन्ही फलंदाजांमध्ये ५१ धावांची भागीदारी झाली. मात्र, सॅमसन गोलंदाज सँटनरच्या षटकात झेलबाद झाला आणि 20 चेंडूत 15 धावा करून पॅव्हेलियनमध्ये परतला. सॅमसन बाद झाल्यानंतर फलंदाज देवदत्त पडिक्कल क्रीझवर आला पण, गोलंदाज मोईन अलीच्या षटकात 3 धावा काढून पडिक्कलही बाद झाला. मोईन अलीची ही दुसरी विकेट होती. त्याच्यानंतर रविचंद्रन अश्विनने क्रीझवर येऊन जयस्वालसह डाव पुढे नेला. मात्र, दोन्ही फलंदाजांनी शानदार खेळी केली.
जैस्वालने राजस्थानसाठी सर्वाधिक धावा केल्या: जयस्वालने 39 चेंडूत अर्धशतक पूर्ण केले. त्याने 39 चेंडूत 50 धावा केल्या. ही संघाची पहिली सर्वोच्च खेळी होती, मात्र गोलंदाज प्रशांत सोलंकीच्या षटकात जैस्वालने मथिसा पाथिराना झेलबाद केले. त्याने 44 चेंडूत 59 धावांची खेळी खेळली, ज्यात एक षटकार आणि आठ चौकारांचा समावेश होता. दुसऱ्या टोकाला अश्विन डाव सांभाळत होता. जैस्वालनंतर हेटमायर क्रीजवर आला. प्रशांत सोलंकीने दुसरी विकेट घेतली. त्याने हेटमायरला 6 धावांवर कॉनवेकरवी झेलबाद केले. यानंतर रियान पराग क्रीजवर आला आणि त्याने अश्विनच्या साथीने डाव संपवला आणि गोलंदाज मथिशाने वाईड गोलंदाजी करत सामना संपवला. यादरम्यान राजस्थानने 19.4 षटकांत 5 गडी गमावून 151 धावा केल्या.