नेपियर:न्यूझीलंड आणि नेदरलँड यांच्यात एकमेव टी-20 सामना शुक्रवारी खेळला जाणार होता. परंतु या सामन्याला पावसाचा व्यत्यय आल्यामुळे एक एकही चेंडू न टाकता, हा सामना रद्द घोषित ( Match canceled due to rain ) करण्यात आला. सामना सुरु होण्याच्या अगोदरच मॅक्लीन पार्कमध्ये पाऊस पडत होता. मैदान साफ करण्यासाठी ग्राउंड स्टाफने अथक परिश्रम घेतली, असताना स्थानिक वेळेनुसार सायंकाळी साडेसहा वाजता पंचांनी पाहणी केली. पण आउटफिल्डच्या खराब परिस्थितीमुळे, स्थानिक वेळेनुसार संध्याकाळी 7 वाजता पंचांनी आणखी एक तपासणी निर्धारित केली होती.
दरम्यान, स्थानिक वेळेनुसार रात्री 8 वाजेपर्यंत पाहणी पुढे ढकलून पुन्हा पाऊस सुरू झाला. 20 मिनिटांनंतर, जेथे नाणेफेक देखील झाली नाही, अशा कोणत्याही खेळाची शक्यता पंचांना नाकारावी लागली. न्यूझीलंडचा नेदरलँड दौरा ( New Zealand tour of the Netherlands ) आता तीन सामन्यांच्या वनडे मालिकेने पुढे जाईल, जो 29 मार्चपासून माउंट माउंगानुई येथे सुरू होईल, त्यानंतर पुढील दोन सामने हॅमिल्टनमध्ये होतील.