नवी दिल्ली : बॉर्डर गावस्कर ट्रॉफीसाठी खेळल्या जाणाऱ्या चार कसोटी सामन्यांच्या मालिकेतील शेवटचा सामना अहमदाबादच्या नरेंद्र मोदी स्टेडियमवर खेळवला जाणार आहे. नरेंद्र मोदी स्टेडियम 2021 मध्ये अहमदाबादमधील मोटेरा येथील सरदार पटेल स्टेडियम पाडून बांधण्यात आले होते. भारतासाठी हा सामना जिंकणे खूप महत्त्वाचे आहे. कारण या सामन्यात भारताने ऑस्ट्रेलियाला हरवले, तर ते जागतिक कसोटी चॅम्पियनशिपच्या अंतिम फेरीत पोहोचतील. नरेंद्र मोदी स्टेडियमवर भारताच्या कसोटी विक्रमांवर एक नजर टाकू या.
अहमदाबादमधील भारताचा कसोटी विक्रम :भारताने 2021 मध्ये अहमदाबादच्या नरेंद्र मोदी स्टेडियमवर इंग्लंडविरुद्ध शेवटचा सामना खेळला. टीम इंडियाने येथे फक्त दोन कसोटी सामने खेळले आहेत. दोन्ही सामन्यात भारताचा सामना इंग्लंडशी झाला. दोन्ही सामन्यात भारताने दणदणीत विजय मिळवला होता. नरेंद्र मोदी स्टेडियमपूर्वी भारताने मोटेरा येथील सरदार पटेल स्टेडियमवर एकूण 12 कसोटी सामने खेळले होते. भारताने 4 सामन्यात विजय मिळवला होता तर 2 सामन्यात पराभव पत्करला होता. 6 सामने अनिर्णित राहिले. माजी भारतीय फलंदाज आणि सध्या टीम इंडियाचे प्रशिक्षक राहुल द्रविडने या मैदानावर सर्वाधिक धावा केल्या आहेत. या मैदानावर द्रविडच्या 7 सामन्यात 771 धावा आहेत. या मैदानावर सर्वाधिक (36) विकेट माजी भारतीय गोलंदाज अनिल कुंबळेच्या नावावर आहेत.
इंग्लंडविरुद्ध दोन कसोटी सामने : या स्टेडियमवर 2021 मध्ये भारताने इंग्लंडविरुद्ध दोन कसोटी सामने खेळले, त्यामध्ये फिरकीपटूंचे वर्चस्व होते. या दोन्ही सामन्यांमध्ये फिरकीपटूंचे वर्चस्व होते. पहिला कसोटी सामना तीन दिवसांत संपला आणि दुसरा कसोटी सामना फक्त दोन दिवस चालला. पहिल्या कसोटी सामन्यात भारताने एक डाव आणि २५ धावांनी तर दुसऱ्या कसोटी सामन्यात भारताने १० गडी राखून विजय मिळवला. या दोन कसोटी सामन्यांमध्ये भारतीय फिरकी गोलंदाज अक्षर पटेलने इंग्लिश फलंदाजांना अडचणीत आणले होते. दोन्ही सामन्यांमध्ये फिरकीचा ट्रॅक होता. फिरकीपटूंना विकेटमधून चांगले टर्न मिळाले. विशेष म्हणजे 9 मार्चपासून या मैदानावर भारत आणि ऑस्ट्रेलिया यांच्यात कसोटी सामने खेळवले जाणार आहेत. आता यावेळची खेळपट्टी फिरकीपटूंना मदत करते की नाही हे पाहणे उत्सुकतेचे ठरणार आहे. गुजरात क्रिकेट असोसिएशनच्या अधिकाऱ्यांनी म्हटले आहे की, खेळपट्टी क्युरेटर्स सामान्य खेळपट्टी तयार करत आहेत.
कसोटी जिंकणे भारतासाठी महत्त्वाचे :9 मार्चपासून अहमदाबादच्या नरेंद्र मोदी स्टेडियमवर खेळल्या जाणार्‍या चौथ्या कसोटी सामन्यात अहमदाबाद कसोटी जिंकणे भारतासाठी महत्त्वाचे आहे. टीम इंडियासाठी विजय मिळवणे खूप महत्त्वाचे आहे. जर भारताने या कसोटी सामन्यात ऑस्ट्रेलियाला पराभूत केले तर ते 7 जून ते 11 जून दरम्यान इंग्लंडमधील ओव्हल मैदानावर खेळल्या जाणाऱ्या जागतिक कसोटी चॅम्पियनशिपच्या अंतिम फेरीत आपले स्थान निश्चित करेल. तिसर्‍या कसोटीत भारताचा पराभव करून ऑस्ट्रेलियाने वर्ल्ड टेस्ट चॅम्पियनशिपच्या अंतिम फेरीत प्रवेश केला आहे. तिसऱ्या कसोटीतील पराभवानंतर भारताने पुन्हा एकदा चमकदार कामगिरी करणे आणि चौथ्या कसोटीत ऑस्ट्रेलियाला दारुण पराभव पत्करणे आवश्यक आहे.
हेही वाचा : Prabhat Koli Complete Oceans Seven Challenge : महाराष्ट्र जलतरणपटू प्रभात कोळीने सातवे आव्हान केले पूर्ण
