चेन्नई : एका निवेदनानुसार, अश्विन आचारसंहितेच्या कलम 2.7 अंतर्गत लेव्हल 1 गुन्ह्यासाठी दोषी आढळला आणि त्याने आपला अपराध कबूल केला. या प्रकरणातील सामनाधिकाऱ्यांचा निर्णय अंतिम आणि बंधनकारक असतो.
मॅच फीच्या 25 टक्के दंड : सामन्यानंतरच्या पत्रकार परिषदेत राजस्थान रॉयल्सचा अनुभवी ऑफस्पिनर रविचंद्रन अश्विनने सांगितले की, त्याच्या संघाने अशी कोणतीही विनंती केली नसतानाही, दव पडल्यामुळे चेन्नईच्या 12व्या षटकात चेंडू बदलण्याच्या मैदानावरील पंचांच्या निर्णयामुळे तो आश्चर्यचकित झाला होता. अशा स्थितीत पंच स्वैरपणे चेंडू कसा बदलू शकतात. अनुभवी ऑफस्पिनर रविचंद्रन अश्विनला बुधवारी चेन्नई सुपर किंग्जविरुद्धच्या आयपीएल सामन्यात आचारसंहितेचा भंग केल्याबद्दल त्याच्या मॅच फीच्या 25 टक्के दंड ठोठावण्यात आला आहे.
राजस्थान रॉयल्सचा तीन गडी राखून विजय : इंडियन प्रीमियर लीग 2023 च्या 17 व्या सामन्यात, राजस्थान रॉयल्सने चेन्नई सुपर किंग्जविरुद्ध तीन गडी राखून विजय मिळवला. या सामन्यात राजस्थानच्या विजयात आर. अश्विनने महत्त्वाची भूमिका बजावली, ज्याने अष्टपैलू कामगिरी केली. अश्विनने प्रथम फलंदाजी करत 30 धावा केल्या. त्यानंतर दोन बळी घेतले. सीएसके-राजस्थान सामन्यादरम्यान आर.के. अश्विन आणखी एका कारणाने चर्चेत होता.
अशा निर्णयांमुळे अश्विन थोडा त्रासला आहे :वास्तविक या सामन्यादरम्यान खूप दव पडले होते. त्यामुळे दुसऱ्या डावात पंचांनीच हस्तक्षेप करून चेंडू बदलला. यामुळे राजस्थान रॉयल्सचा स्टार फिरकीपटू रविचंद्रन अश्विनला आनंद झाला नाही आणि त्याने पंचांच्या निर्णयावर आश्चर्य व्यक्त केले. पंचांच्या निर्णयावर प्रश्नचिन्ह उपस्थित करणे अश्विनला महागात पडले आहे. अश्विनने सामना संपल्यानंतर पत्रकार परिषदेत पंचांच्या निर्णयावर प्रश्नचिन्ह उपस्थित केले आणि सांगितले की, अशा निर्णयामुळे मला खूप आश्चर्य वाटले. आर. अश्विन पुढे म्हणाला की, आयपीएलमधील अशा निर्णयांमुळे तो थोडा त्रासला आहे. शेवटी पंच मनाने चेंडू का बदलत आहेत. याबाबत त्याने पंचांना विचारले असता त्याने सांगितले की, त्याला बदल करण्याचा अधिकार आहे आणि तो बदलू शकतो.
हेही वाचा :IPL 2023 : सीएसकेच्या दुखापतग्रस्त खेळाडूंमध्ये धोनीचाही समावेश, माही बाहेर पडल्यास कर्णधार कोण होणार हे जाणून घ्या
