नवी दिल्ली : आयपीएल 2023 चा तिसरा सामना दिल्ली कॅपिटल्स आणि लखनऊ सुपर जायंट्स यांच्यात खेळला गेला. या सामन्यात लखनऊ सुपर जायंट्सने 50 धावांनी मोठा विजय मिळवला आहे.
मार्क वुडची शानदार गोलंदाजी : ऋषभ पंतच्या अनुपस्थितीत या सामन्यात डेव्हिड वॉर्नरने पहिल्यांदाच दिल्ली कॅपिटल्सचे नेतृत्व केले. नाणेफेक जिंकल्यानंतर वॉर्नरने प्रथम गोलंदाजी करण्याचा निर्णय घेतला. आयपीएलचा पहिला सामना खेळणाऱ्या काइल मेयर्सच्या 73 धावांच्या खेळीच्या बळावर लखनौ सुपर जायंट्सने दिल्ली कॅपिटल्सला सामना जिंकण्यासाठी 194 धावांचे लक्ष्य दिले. या मोठ्या धावसंख्येचा पाठलाग करताना दिल्ली कॅपिटल्स संघ 20 षटकात 9 गडी गमावून केवळ 143 धावाच करू शकला. अशाप्रकारे त्यांनी 50 धावांनी सामना गमावला. लखनौ सुपर जायंट्ससाठी विजयाचा हिरो ठरलेला वेगवान गोलंदाज मार्क वुडने 4 षटकात केवळ 14 धावा देत 5 बळी घेतले.
दिल्ली कॅपिटल्सची फलंदाजी :दिल्ली कॅपिटल्सने 193 धावांचे लक्ष्य गाठताना सलामीला आलेल्या पृथ्वी शाॅ आणि डेव्हिड वाॅर्नरने डावाची सुरुवात बऱ्यापैकी केली. डेव्हीड वाॅर्नर सध्या 47 धावांवर खेळत आहे. तर त्याच्या जोडीला अमन खान 1 धावावर खेळत आहे. मायकेल मार्श याने शून्यावर बाद झाला. तर सर्फराज खान अवघ्या 4 धावांवर तंबूत परतला. त्यानंतर आलेल्या रिली रोसो याने 20 चेंडूत 30 धावा करून पॅव्हेलिन गाठले. त्यानंतर रोवोमन पोवेल 1 धावांवर पायचित झाला. डेव्हिड वाॅर्नर पिचवर असेपर्यंत दिल्ली कॅपिटल्सला विजयाची आशा,
लखनौ सुपर - दिल्ली कॅपिटल्स :आज लखनौ सुपर जायंट्स आणि दिल्ली कॅपिटल्स तिसऱ्यांदा आमनेसामने असतील. यावेळी दिल्लीचे कर्णधारपद डेव्हिड वॉर्नरकडे देण्यात आले आहे. कार अपघातानंतर डीसीचा नियमित कर्णधार ऋषभ पंत संघात पुनरागमन करू शकला नाही, त्यामुळे वॉर्नरला कर्णधारपद देण्यात आले आहे. वॉर्नर सनरायझर्स हैदराबादचा कर्णधार आहे. त्याच्या नेतृत्वाखाली हैदराबादने २०१६ मध्ये विजेतेपद पटकावले होते. अंतिम फेरीत सनरायझर्सने रॉयल चॅलेंजर्स बंगळुरूचा पराभव केला. अष्टपैलू अक्षर पटेल दिल्लीचा उपकर्णधार आहे. पटेल गोलंदाजी आणि फलंदाजीने सामन्याचे फासे फिरवू शकतो.
दिल्लीचा सहा धावांनी पराभव :लखनौ सुपर जायंट्स (एलएसजी) आणि दिल्ली कॅपिटल्स (डीसी) आजपर्यंत दोनदा आमनेसामने आले आहेत. या दोन्ही सामन्यात राहुलच्या संघाने बाजी मारली. 7 एप्रिल 2022 रोजी झालेल्या सामन्यात जायंट्सने दोन चेंडू राखून सहा विकेट्स राखून विजय मिळवला. 1 मे 2022 रोजी दोघे दुसऱ्यांदा भिडले. यावेळीही दिग्गजांनी खिळखिळी झालेल्या सामन्यात दिल्लीचा सहा धावांनी पराभव केला. तेव्हा दिल्लीचा कर्णधार ऋषभ पंत होता.
कालच झाले उद्घाटन : तमन्ना भाटिया, रश्मिका मानधना आणि गायक अरिजित सिंग यांनी आयपीएल 2023 च्या उद्घाटन सोहळ्यात चांगलीच रंगत आणली. जादुई आवाजाने तरुणींना मोहिनी घालणाऱ्या अरिजित सिंगने आपल्या गाण्यांनी लोकांमध्ये नवचैतन्य फुलवले. त्याच्या गाण्यावर तरुणाई चांगलीच थिरकताना दिसत होती.
हेही वाचा : IPL 2023 : केकेआरने नाणेफेक जिंकून प्रथम फलंदाजी करण्याचा निर्णय घेतला; पंजाब किंग्जच्या 2 षटकांत 23 धावांवर 1 विकेट
