चेन्नई :IPL 2023 मध्ये चेन्नईच्या चेपॉक स्टेडियमवर चेन्नई सुपर किंग्ज आणि दिल्ली कॅपिटल्स यांच्यात 55 वा सामना खेळण्यात आला. या सामन्यात घरच्या मैदानवरCSK ने दिल्ली कॅपिटल्सचा २७ धावांनी पराभव केला. चेन्नईचा हा हंगामातील 7वा विजय आहे.
प्रथम फलंदाजी करताना CSK ने 20 षटकात 8 विकेट गमावत 167 धावा करून दिल्ली कॅपिटल्सला आव्हान दिले. शिवम दुबेने 25, रुतुराज गायकवाडने 24, अजिंक्य रहाणे आणि रवींद्र जडेजाने 21, अंबाती रायडूने 23 धावा केल्या. CSK कर्णधार धोनीने अवघ्या 9 चेंडूत 1 चौकार आणि 2 षटकार मारत 20 धावा केल्या. त्याचवेळी 168 धावांच्या लक्ष्याचा पाठलाग करताना दिल्ली संघाची पुरती दमछाक झाली. दिल्ली कॅपिटल्सला 20 षटकांत 8 बाद 140 धावाच करता आल्या. दिल्लीविरुद्ध मतिशा पाथिरानाने 3, दीपक चहरने 2, रवींद्र जडेजाने 1 गडी बाद केले. रवींद्र जडेजाला सामनावीराचा किताब देण्यात आला आहे. या लीगमध्ये, CSK 12 सामन्यांमध्ये 7 सामने जिंकून 15 गुणांसह गुणतालिकेत 2 व्या क्रमांकावर आहे. दिल्लीचा संघ गुणतालिकेत 8 गुणांसह 10व्या क्रमांकावर आहे. या विजयानंतर धोनीच्या संघाचा प्लेऑफचा मार्ग सोपा होणार आहे
चेन्नई सुपर किंग्ज (प्लेइंग 11) : ऋतुराज गायकवाड, डेव्हॉन कॉनवे, अजिंक्य रहाणे, अंबाती रायडू, शिवम दुबे, मोईन अली, रवींद्र जडेजा, महेंद्रसिंह धोनी (विकेटकीपर आणि कर्णधार), दीपक चहर, तुषार देशपांडे, महेश तीक्षा ; इम्पॅक्ट प्लेअर्स -मथीशा पाथिराना, सुभ्रांशु सेनापती, मिच सॅन्टनर, आकाश सिंग, शेख रशीद