IPL 2023 : दिल्लीचे सहा गडी राखून गुजरात विजयी, शमीचा मारा आणि साई सुदर्शनची फटकेबाजी रंगली

आज IPL 2023 चा 7 वा सामना गुजरात टायटन्स आणि दिल्ली कॅपिटल्स यांच्यात दिल्लीतील अरुण जेटली स्टेडियमवर खेळवला जात आहे. प्रथम फलंदाजी करताना दिल्लीने 20 षटकांत 8 गडी गमावून 162 धावा केल्या आहेत. तर साई सुदर्शनच्या नाबाद अर्धशतकी जोरावर गुजरातने दिल्लीचा सहा गडी राखून पराभव केला आहेे.

नवी दिल्ली : मोहम्मद शमी आणि राशिदच्या गोलंदाजीनंतर साई सुदर्शनच्या नाबाद अर्धशतकाच्या जोरावर गुजरातने दिल्लीचा सहा गडी राखून पराभव केला. दिल्लीने 164 धावांचे आव्हान दिले होते, दिल्लीने सहा विकेट्स घेतल्या आणि 11 चेंडू टाकले. दिल्लीचा हा सलग दुसरा पराभव आहे. दिल्लीची गुणवत्ता यादीतील कामगिरी फारशी बरी नाही. तर हार्दिक पंड्याच्या नेतृत्वाखाली गुजरातचा संघ आघाडी घेत आहे.

साई सुदर्शनची फटकेबाजी : गुजरातच्या सुरुवातीच्या विकेट लवकर पडल्या. वृध्दिमान साहा, शुभमन गिल आणि साहा यांनी प्रत्येकी 14 धावांची खेळी केली. पाच धावा घेतल्यानंतर तर हार्दिक पांड्या. साई सुदर्शन आला. नंतर डेव्हिड मिलरच्या साथीने गुजरातला विजय मिळवून दिला. विजय संखर म्हणजे 29 धावपटू. डेव्हिड मिलर म्हणजे नाबाद 31 धावपटू खेली केली. साई सुदर्शनने नाबाद 62 धावांची खेळी केली. साईदर्शनने दोन षटकार आणि चार चौकार मिळवले. दिल्लीकडून एनरिक नोरखियाने सर्वाधिक दोन विकेट घेतल्या. तर मिचेल मार्श आणि खलील अहमद यांना प्रत्येकी एक विकेट मिळाली.

गुजरातला पहिला झटका : वृद्धीमान साहाच्या रुपात गुजरातला पहिला झटका बसला. तो 7 चेंडूत 14 धावा करून बाद झाला. त्याला नॉर्कियाने बोल्ड केले. त्यानंतर शुभमन गिल 14 धावा करून बाद झाला. त्याला देखील नॉर्कियानेच बोल्ड केले. त्यानंतर आलेला कर्णधार हार्दिक पंड्याही आपली छाप सोडू शकला नाही. त्याला केवळ 5 धावांवर खलील अहमदने पोरेलच्या हातून झेलबाद केले. विजय शंकरला 29 धावांवर मार्शने एलबीडब्लू आउट केले.

दिल्लीकडून वॉर्नरच्या सर्वाधिक धावा : गुजरातचा कर्णधार हार्दिक पंड्याने नाणेफेक जिंकून गोलंदाजीचा निर्णय घेतला. प्रथम फलंदाजी करताना दिल्लीची सुरुवात निराशाजनक झाली. मात्र त्यानंतर मधल्या फळीतील फलंदाजांनी डाव सावरला. 20 षटकांचा खेळ पूर्ण झाला असून दिल्लीने गुजरातसमोर 163 धावांचे लक्ष ठेवले आहे. दिल्लीकडून कर्णधार डेव्हिड वॉर्नरने सर्वाधिक 37 धावा केल्या. तर गुजरातकडून मोहम्मद शमी आणि राशिद खानने प्रत्येकी तीन विकेट घेतल्या. सलामीवीर पृथ्वी शॉ 5 चेंडूत 7 धावा करून बाद झाला. त्याला मोहम्मद शमीने अल्झारी जोसेफच्या हातून झेलबाद केले. त्यानंतर आलेला मिशेल मार्शही काही कमाल दाखवू शकला नाही. त्याला मोहम्मद शमीनेच 4 धावांवर क्लीन बोल्ड केले.

नवव्या षटकात दिल्लीला एकापाठोपाठ दोन झटके बसले. अल्झारी जोसेफने प्रथम कर्णधार डेव्हिड वॉर्नरला 37 धावांवर बोल्ड केले. नंतर पुढच्याच चेंडूवर रिली रॉस्सॉ याला राहुल तेवतियाच्या हातून झेलबाद केले. त्यानंतर आलेल्या अभिषेक पोरेलला राशिद खानने बोल्ड केले. त्याने 11 चेंडूत धडाकेबाज 20 धावा काढल्या. अखेरच्या षटकांत अक्षर पटेलने डाव सांभाळत दिल्लीला सन्मानजनक धावसंख्येपर्यंत नेले. त्याने 22 चेंडूत 36 धावा केल्या.

प्लेइंग 11 : दिल्ली कॅपिटल्स - डेव्हिड वॉर्नर (कर्णधार), पृथ्वी शॉ, मिचेल मार्श, रिली रॉस्सॉ, सरफराज खान (यष्टीरक्षक), अक्षर पटेल, अभिषेक पोरेल, कुलदीप यादव, चेतन साकारिया, खलील अहमद, एनरिच नोर्किया ; गुजरात टायटन्स -शुभमन गिल, ऋद्धिमान साहा (यष्टीरक्षक), साई सुदर्शन, हार्दिक पंड्या (कर्णधार), डेव्हिड मिलर, राहुल तेवतिया, राशिद खान, जोशुआ लिटल, मोहम्मद शमी, यश दयाल, अल्झारी जोसेफ.

दोन्ही संघांची हेड टू हेड : गुजराज टायटन्सने गेल्या वर्षीच आयपीएलमध्ये पदार्पण केले आहे. त्यांनी आपल्या पहिल्या हंगामातच विजेतेपद पटकावले होते. तर दुसरीकडे दिल्ली कॅपिटल्सला गेल्या हंगामात प्लेऑफमध्ये स्थान मिळवता आले नव्हते. आयपीएल 2022 मध्ये दिल्ली कॅपिटल्स आणि गुजरात टायटन्स यांच्यात एक सामना झाला होता. या सामन्यात हार्दिक पंड्याच्या नेतृत्वाखालील गुजरात टायटन्सने बाजी मारली होती.

खेळपट्टीचा अहवाल : अरुण जेटली स्टेडियमची खेळपट्टी गोलंदाजांसाठी अनुकूल मानली जाते. येथे फिरकीपटूंना चांगला टर्न मिळतो तर वेगवान गोलंदाजांनाही चांगली उसळी मिळते. या खेळपट्टीवर धावांचा पाठलाग करणे सोपे मानले जाते. त्यामुळे येथे नाणेफेक जिंकल्यानंतर कर्णधार प्रथम गोलंदाजी करण्याचा निर्णय घेतो. या खेळपट्टीवर आत्तापर्यंत 13 आंतरराष्ट्रीय सामने खेळले गेले आहेत. ज्यामध्ये धावांचा पाठलाग करणाऱ्या संघाने 9 वेळा तर बचाव करणाऱ्या संघाने 4 वेळा विजय मिळवला आहे.

दिल्ली कॅपिटल्सची गोलंदाजी कमकुवत : पहिल्या सामन्यात लखनऊ सुपर जायंट्सने दिल्ली कॅपिटल्सचा 50 धावांनी पराभव केला होता. या सामन्यात दिल्लीच्या वेगवान गोलंदाजांनी निराशाजनक कामगिरी केली होती. प्रमुख गोलंदाज एनरिच नोर्कियाच्या अनुपस्थितीत दिल्लीचे गोलंदाज लखनऊच्या फलंदाजांना अडचणीत आणण्यात अपयशी ठरले होते. चेतन साकारिया आणि मुकेश कुमार अचूक लाईन आणि लेन्थमध्ये गोलंदाजी करण्यासाठी ओळखले जातात. परंतु लखनऊविरुद्ध हे दोघेही कुचकामी ठरले होते.

हेही वाचा :IPL 2023 : मैदानात गोलंदाजांवर भडकला कॅप्टन कूल; म्हणाला, पुन्हा असे केल्यास कर्णधारपद सोडेन