नवी दिल्ली : इंडियन प्रीमियर लीगमध्ये महेंद्रसिंग धोनीच्या नेतृत्वाखालील चेन्नई सुपर किंग्ज संघातील काही खेळाडू दुखापतींशी झुंजत आहे. बेन स्टोक्स, सिसांडा मगाला, सिमरजीत, दीपक चहर यांच्यानंतर आता धोनीही दुखापतीचा बळी ठरला आहे. सीएसकेचे मुख्य प्रशिक्षक स्टीव्हन फ्लेमिंग यांनी धोनीच्या गुडघ्याच्या दुखापतीला दुजोरा दिला आहे. बुधवारी रात्री सीएसके आणि राजस्थान रॉयल्स यांच्यातील सामन्यात दुखापतीमुळे धोनीच्या धावपळीत फरक दिसला. अशा स्थितीत धोनी आणि त्याच्या संघासमोर संकट उभे राहिलेले दिसते. दरम्यान, प्रश्न संघाचे नेतृत्व आणि यष्टिरक्षणावरही आहे.
धोनीने 17 चेंडूंत नाबाद 32 धावांची खेळी केली : सीएसकेचे प्रशिक्षक स्टीव्हन फ्लेमिंग म्हणतात की, धोनी चेन्नईमध्ये राजस्थान रॉयल्सविरुद्ध त्याच्या पूर्ण क्षमतेनुसार धावा काढत नव्हता. आयपीएलपूर्वी संघाच्या इंट्रा स्क्वॉड सराव सामन्यांमध्येही हेच पाहायला मिळाले. चेन्नईतील प्री-सीझन कॅम्पमध्ये तो गुडघ्यावर पट्टी बांधलेला दिसला. मात्र, दुखापतीनंतरही धोनी यंदाच्या मोसमात आपल्या बॅटने धावा करत आहे. त्याने राजस्थान रॉयल्सविरुद्ध 17 चेंडूंत नाबाद 32 धावांची खेळी केली. त्यामुळे सीएसकेने राजस्थानला 176 धावांचे लक्ष्य दिले. दुसरीकडे, धोनीने या मोसमातील तीन डावांमध्ये 215 च्या स्ट्राइक रेटने तीन षटकार आणि दोन चौकारांच्या मदतीने 58 धावा केल्या आहेत.
सीएसकेला केवळ 2 सामने जिंकता आले : सीएसकेचा पुढील सामना 17 एप्रिलला बंगळुरूमध्ये आरसीबीशी आहे. धोनीला दुखापतीतून सावरण्यासाठी 4 दिवसांचा अवधी आहे, ही दिलासादायक बाब आहे. पण धोनीला दुखापतीतून सावरता आले नाही, तर सीएसकेच्या अडचणी वाढणार आहेत. कारण धोनीशिवाय संघाचे नेतृत्व कोण करणार, हा प्रश्न सर्वात मोठा आहे. याआधी 2022 च्या आयपीएलमध्येही रवींद्र जडेजाला 8 सामन्यांसाठी संघाचा कर्णधार बनवण्यात आले होते. मात्र यामध्ये संघाला केवळ 2 सामने जिंकता आले. अशा स्थितीत धोनीकडे पुन्हा कर्णधारपद सोपवण्यात आले आहे.
कॉनवे उत्कृष्ट कर्णधार म्हणून सीएसकेचे नेतृत्व करू शकतो :दुसरीकडे, संघात समाविष्ट असलेला फलंदाज अजिंक्य रहाणे हा देखील वरिष्ठ क्रिकेटपटू आहे, परंतु सध्या तो त्याच्या फॉर्ममुळे संघ व्यवस्थापनाच्या नजरेपासून दूर आहे. याशिवाय संघात आपल्या शानदार फलंदाजीने चर्चेत असलेला ऋतुराज गायकवाड हा देखील दावेदार असू शकतो, पण कुठेतरी अनुभवाची कमतरता त्याच्यासमोर येऊ शकते. न्यूझीलंडचा 31 वर्षीय फलंदाज/यष्टीरक्षक डेव्हिन कॉनवे हा संघातील प्रबळ दावेदार असला तरी राजस्थान रॉयल्सविरुद्ध कॉनवेने शानदार फलंदाजी करताना 38 चेंडूत 50 धावांची खेळी केली. कॉनवेने या मोसमातील 4 डावात आतापर्यंत 98 धावा केल्या आहेत. कॉनवे आयपीएल 2022 पासून सीएसकेशी संबंधित आहे. त्याला कर्णधारपदाचा अनुभव कमी आहे. पण कॉनवे उत्कृष्ट कर्णधार म्हणून सीएसकेचे नेतृत्व करताना दिसू शकतो.
हेही वाचा :IPL 2023: गुजरात टायटन्सने पंजाब किंग्जचा सहा गडी राखून केला पराभव
