मुंबई:शुक्रवारी (15 एप्रिल) इंडियन प्रीमियर लीग 2022 चा 25वा सामना खेळला जाणार आहे. हा सामना कोलकाता नाईट रायडर्स विरुद्ध सनरायझर्स हैदराबाद ( Kolkata Knight Riders vs Sunrisers Hyderabad ) संघात ब्रेबॉर्न स्टेडियमवर मुंबई येथे खेळला जाणार आहे. या सामन्याला संध्याकाळी साडेसातवाजता सुरुवात होणार आहे. आतापर्यंत दोन्ही संघाने प्रत्येकी दोन सामने जिंकले आहेत. त्यामुळे या सामन्यात तिसरा विजय मिळवण्यासाठी दोन्ही संघ सज्ज असणार आहेत.
आतापर्यंत कोलकाता नाईट रायडर्स ( Kolkata Knight Riders Team ) संघाचे पाच सामने झाले आहेत. त्यापैकी तीन सामन्यात संघाने विजय मिळवला आहे, तर दोन सामन्यात पराभव पत्करावा लागला आहे. त्यामुळे हा संघ सहा गुणांसह गुणतालिकेत दुसऱ्या स्थानी आहे. त्याचबरोबर सनरायझर्स हैदराबाद संघाने ( Sunrisers Hyderabad Team ) आतापर्यंत चार सामने खेळले आहेत. त्यापैकी दोन सामन्यात विजय आणि दोनमध्ये पराभव झाला आहे. त्यामुळए हा संघ गुणतालिकेत आठव्या स्थानी आहे.
SRH विरुद्ध KKR मधील हेड डू हेड आकडेवारी आणि रेकॉर्ड -
1. हेड डू हेड मॅचमध्ये, केकेआरचा सनरायझर्स हैदराबादविरुद्ध वरचष्मा आहे. केकेआरने 14 सामने जिंकले आहेत तर सनरायझर्स हैदराबादने 7 सामने जिंकले आहेत.
2. सनरायझर्सविरुद्धच्या सामन्यात अजिंक्य रहाणेने 397 धावा केल्या आहेत. याशिवाय केकेआरचा कर्णधार श्रेयस अय्यरनेही हैदराबादविरुद्ध ३७८ धावा केल्या आहेत.