मुंबई:इंडियन प्रीमियर लीगच्या पंधराव्या हंगामातील 30 वा सामना राजस्थान रॉयल्स विरुद्ध कोलकाता नाईट रायडर्स ( Rajasthan Royals vs Kolkata Knight Riders ) संघात खेळला जाणार आहे. हा सामना ब्रेबॉर्न स्टेडियमवर सोमवारी संध्याकाळी साडेसातला सुरु होणार आहे. या सामन्यापूर्वी दोन्ही संघाचे कर्णधार संजू सॅमसन ( Sanju Samson ) आणि श्रेयस अय्यर ( Shreyas Iyer ) यांच्यात सातला नाणेफेक होईल. दोन्ही संघ सध्या आपल्या विजयाच्या शोधात आहेत. कारण दोन्ही संघाला मागील सामन्यात पराभव स्वीकारावा लागला आहे.
राजस्थान रॉयल्स संघाला ( Rajasthan Royals Team ) आपल्या मागील सामन्यात गुजरात टायटन्स संघाकडून पराभव स्वीकारावा लागला होता. दुसरीकडे कोलकाता नाईट रायडर्स संघाला आपल्या मागील दोन सामन्यात दिल्ली कॅपिटल्स आणि सनरायझर्स हैदराबाद संघाकडून पराभव स्वीकारावा लागला होता. राजस्थान रॉयल्स संघ सध्या पाच सामन्यातील तीन विजयासह सहा गुणांनी गुणतालिकेत पाचव्या स्थानी विराजमान आहे. दुसरीकडे कोलकाता नाईट रायडर्सचा संघ ( Kolkata Knight Riders Team ) सहा सामन्यात तीन विजयासह सहाव्या स्थानी आहे. मागील सामन्यात राजस्थान रॉयल्स संघाचा प्रमुख गोलंदाज ट्रेंट बोल्ट ( Trent Bolt ) उपलब्ध नव्हता, मात्र आजच्या सामन्यासाठी उपलब्ध असण्याची शक्यता आहे.
राजस्थान रॉयल्स विरुद्ध कोलकाता नाईट रायडर्स हेड टू हेड -आयपीएलच्या पहिल्या हंगामातील चॅम्पियन राजस्थान रॉयल्स विरुद्ध कोलकाता नाईट रायडर्स संघात 25 सामने खेळले गेले आहे. यामध्ये कोलकाता नाईट रायडर्स संघाचे पारडे जड राहिले आहे. कारण 25 सामन्यांपैकी 13 सामन्यात कोलकाता नाईट रायडर्स संघाने विजय मिळवला आहे. त्याचबरोबर 11 सामन्यात राजस्थान रॉयल्सने विजय मिळवला आहे. तसेच दोन्ही संघातील एका सामन्याचा निकाल लागला नाही.