पुणे:इंडियन प्रीमियर लीग 2022 मधील 23 वा सामना बुधवारी (13 एप्रिल) महाराष्ट्र क्रिकेट असोसिएशनच्या स्टेडियमवर, पुणे येथे खेळवला जाणार आहे. हा सामना मुंबई इंडियन्स विरुद्ध पंजाब किंग्ज ( Mumbai Indians vs Punjab Kings ) संघात होणार आहे. या सामन्याला संध्याकाळी साडेसात वाजता सुरुवात होणार आहे. मुंबई इंडियन्स संघ या हंगामातील पहिल्या विजयाची प्रतिक्षा संपवण्याच्या उद्देशाने पंजाब सोबत दोन हात करेल.
पंजाब किंग्ज संघाने आतापर्यंत या हंगामातील चार सामने खेळले आहेत, ज्यापैकी दोन जिंकले, तर दोन सामने गमावले आहेत. दुसरीकडे मुंबई इंडियन्स ( Mumbai Indians ) संघाने देखील तितकेच सामने खेळले आहेत. परंतु संघाला एक विजय मिळवता आलेला नाही. त्यामुळे हा संघ गुणतालिकेत शेवटच्या स्थानी आहे. त्याचबरोबर पंजाब किंग्ज संघ सातव्या स्थानी आहे.
मुंबईचा पुनरागमनाचा मार्ग अतिशय कठीण दिसत आहे, कारण हा संघ प्रत्येक विभागात आतापर्यंत अपयशी ठरला आहे. त्यामुळे कर्णधार रोहित शर्माला ( Captain Rohit Sharma ) केवळ संघाच्या कामगिरीतच नाही तर स्वत: च्या कामगिरीतही सुधारणा करायला लागेल. रोहित आणि त्याची फ्रँचायझी ज्या नावासाठी ओळखले जाते, त्या प्रकारचा प्रभाव पाडू शकले नाहीत. संघाची मोहीम पुन्हा रुळावर आणायची असेल तर त्याला खुप प्रयत्न करावे लागतील.
पंजाबचा संघ ( Punjab Kings ) गुजरात टायटन्सविरुद्धच्या शेवटच्या सामन्यातील पराभवानंतर संघ विजयी मार्गावर परतण्याचा प्रयत्न करेल. रोहित मुंबईसाठी टॉप ऑर्डरमध्ये महत्त्वाचा आहे, पण त्याचे सलामीचे भागीदार इशान किशन, सूर्यकुमार यादव आणि तिलक वर्मा यांनाही फलंदाजीत अधिक जबाबदारी घ्यावी लागेल जेणेकरून संघाला उशीर होऊ नये.
मुंबई इंडियन्स विरुद्ध पंजाब किंग्ज हेड टू हेड-
1. दोन्ही संघांमध्ये आतापर्यंत एकूण 27 सामने झाले आहेत. ज्यामध्ये मुंबई इंडियन्सने 14 सामने जिंकले असून पंजाब किंग्जने 13 सामने जिंकले आहेत.