नवी मुंबई:इंडियन प्रीमियर लीगच्या ( Indian Premier League ) पंधराव्या हंगामातील 31 वा सामना लखनौ सुपरजायंट्स विरुद्ध रॉयल चॅलेंजर्स बंगळुरु ( LSG vs RCB ) संघात होणार आहे. हा सामना नवी मुंबईतील डीवीय पाटील स्टेडियमवर मंगळवारी (19 एप्रिल) संध्याकाळी साडेसातला सुरु होणार आहे. तत्पुर्वी दोन्ही संघात सातला नाणेफेक पार पडेल. दोन्ही संघांनी आपल्या मागील सामन्यात विजय मिळवला आहे. तसेच दोन्ही संघ सुपर फॉर्ममध्ये आहे. दोन्ही संघ आयपीएलच्या इतिहासात प्रथमच एकमेकांच्या सामने येत आहेत.
लखनौ सुपरजायंट्स संघाने ( Lucknow Super Giants ) आतापर्यंत सहा सामने खेळले आहेत, त्यापैकी चार सामने जिंकले आहेत. या संघाला दोन सामन्यात पराभव स्वीकारावा लागला, ज्यामुळे हा संघ आठ गुणांसह गुणतालिकेत तिसऱ्या स्थानी आहे. दुसरीकडे रॉयल चॅलेंजर्स बंगळुरु ( Royal Challengers Bangalore ) संघाने देखील सहा सामने खेळलेत, ज्यापैकी चार सामन्यात विजय तर दोन सामन्यात पराभव पत्करला आहे. त्यामुळे या संघाचे आठ गुण आहेच आणि हा संघ चौथ्या क्रमांकावर आहे.
या मोसमात यष्टीरक्षक फलंदाज कार्तिकचा ( Wicketkeeper-batsman Dinesh Karthik ) नवा फॉर्म पाहायला मिळत आहे. भारतीय संघात पुनरागमन करण्याच्या प्रयत्नात असलेल्या कार्तिकने दमदार प्रदर्शन करताना धावा केल्या असून, या जोरावर आरसीबी ( लीग टेबलमध्ये पहिल्या चारमध्ये आहे. शाहबाज अहमदनेही आपल्या फलंदाजीने प्रभावित केले आहे. गोलंदाजीत, जोश हेझलवूडने दिल्लीविरुद्ध शानदार स्पेल करत सामन्याचा मार्ग बदलला आणि ऑस्ट्रेलियन वेगवान गोलंदाज हा फॉर्म कायम ठेवू इच्छितो. सर्वांचे लक्ष श्रीलंकेचा लेग-स्पिनर वानिंदू हसरंगावर असेल, तर डेथ ओव्हर स्पेशालिस्ट हर्षल पटेललाही आपल्या कामगिरीची छाप पाडायला आवडेल.