मुंबई:इंडियन प्रीमीयर लीगच्या ( Indian Premier League ) पंधराव्या हंगामातील सातवा सामना बेब्रॉन स्टेडियमवर खेळला जाणार आहे. हा सामना यंदा आयपीएल स्पर्धेत नव्याने सहभागी झालेल्या लखनौ सुपरजायंट्स संघा विरुद्ध चेन्नई सुपर किंग्स ( CSK vs LSG ) संघात खेळला जाणार आहे. या सामन्याची नाणेफेक जिंकून लखनौ सुपरजायंट्सने प्रथम गोलंदाजी करण्याचा निर्णय घेतला ( Lucknow Super Giants opt to bowl )आहे. त्याचबरोबर चेन्नई सुपर किंग्स संघाला प्रथम फलंदाजी करण्यासाठी आमंत्रित केले आहे.
चेन्नई संघ ( Chennai Super Kings ) आपला नवीन कर्णधार रवींद्र जडेजाच्या ( Captain Ravindra Jadeja ) नेतृत्वाखालील दुसरा सामना खेळण्यासाठी सज्ज झाला आहे. आज खेळल्या जात असलेल्या सामन्यात सीएसके संघाने काही बदल केले आहेत. सीएसकेने आज अष्टपैलू खेळाडू मोईन अलीला प्लेईंग इलेव्हनमध्ये संधी दिली आहे. या संघाला पहिल्या सामन्यात कोलकाता नाइट रायडर्स संघाच्या हातून पराभव पत्कारावा लागला होता. त्यामुळे हा संघ आज आपले दोन गुण मिळवण्यासाठी संघर्ष करणार आहे.
लखनौ सुपर जायंट्सची ( Lucknow Super Giants ) धुरा कर्णधार केएल राहुलच्या ( Captain KL Rahul ) खांद्यावर आहे. त्याचबरोबर त्यांना या सामन्यात बलाढ्य चेन्नईसंघाचे आव्हान पेलावे लागणार आहे. कारण चेन्नई संघात माजी कर्णधार एम एस धोनी आणि बरेच दिग्गज खेळाडू आहे. तसेच मागील सामन्यातील युवा फलंदाज आयुष बदोनीवर पुन्हा एकदा लक्ष्य असणार आहे. आज वेगवान गोलंदाज अँड्र्यू टायचा प्लेईंग इलेव्हनमध्ये समावेश केला आहे. या व्यतिरिक्त संघात कोणताही बदल करण्यात आलेला नाही.