मुंबई - आयपीएल 45 वी लढत लखनौ सुपर जायंट्स आणि दिल्ली कॅपिटल्स यांच्या झाली होती. मुंबईतील वानखेडे स्टेडियमवर झालेल्या या सामन्यात 6 धावांनी लखनौ संघ विजयी झाला आहे. दिल्ली कॅपिटल्सला पाचव्या पराभवाला सामोरे जावे लागले आहे. तर, कर्णधार केएल राहुलच्या नेतृत्वाखाली लखनौने 7 विजय प्राप्त करत दुसऱ्या स्थानावर झेप घेतली आहे.
नाणेफेक जिंकून लखनौने प्रथम फलंदाजी करण्याचा निर्णय घेतला होता. सुरुवातील कर्णधार केएल राहुल आणि क्विंटन डी कॉक फलंदाजीसाठी उतरले. शार्दुल ठाकूरने डी कॉकला बाद केले. त्याने 23 धावा केल्या. त्यानंतर राहुल आाणि दीपक हुड्डाने 95 धावांची भागिदारी केली. दीपकला शार्दुलने बाद केले. दीपकने 34 चेंडूत 1 षटकार आणि 6 चौकारांसह 52 धावा केल्या. तर राहुल 19 व्या षटकात बाद झाला. त्याने 51 चेंडूत 5 षटकार आणि 4 चौकारासोबत 77 धावा केल्या. तर, मार्कस स्टोइनिस आणि क्रुणाल पंड्या यांनी अनुक्रमे १७ आणि ९ धावांचे योगदान दिले. यामुळे लखनौने ३ बाद १९५ धावसंख्या उभा केली. तर, दिल्लीकडून शार्दूल वगळता एकही गोलंदाजाने विकेट घेतली नाही.