IPL 2022 Updates : आयपीएलच्या पंधराव्या हंगामात कोरोनाचा शिरकाव; दिल्ली कॅपिटल्सच्या 'या' सदस्याला कोरोनाची लागण

आयपीएल 2022 च्या पर्वाला कोरोनाचे ग्रहण लागताना दिसत आहे. वास्तविक, पुन्हा एकदा आयपीएल खेळणाऱ्या संघातील सदस्याचा कोरोना अहवाल पॉझिटिव्ह आला आहे. तसेच गेल्या वर्षी देखील खेळाडू आणि संघातील सदस्यांना कोरोनाची लागण झाल्याचे आढळून आल्यानंतर, सामने रद्द करण्यात आले होते. त्यानंतर स्पर्धेचे दोन भागात विभाजन करण्यात आले होती.

मुंबई:इंडियन प्रीमियर लीगच्या ( Indian Premier League ) पंधराव्या हंगामात आतापर्यंत 24 सामने पार पडले आहेत. पण 25 व्या सामन्यापूर्वी आयपीएल 2022 मध्ये कोरोना विषाणूची पहिली केस समोर आली आहे. दिल्ली कॅपिटल्स संघातील एका महत्त्वाच्या सदस्याला कोरोनाची लागण झाली आहे. दिल्ली कॅपिटल्सला त्यांचा पुढील सामना शनिवारी 16 एप्रिल रोजी खेळायचा आहे. परंतु त्यापूर्वी संघाचे फिजिओ पॅट्रिक फरहार्ट कोविड-19 चाचणीत पॉझिटिव्ह ( Patrick Farhart Covid-19 tested positive ) आढळले आहेत.

आयपीएलने जारी केलेल्या मीडिया अपडेटमध्ये असे सांगण्यात आले की, दिल्ली कॅपिटल्सचे फिजिओ पॅट्रिक फरहार्ट ( Delhi Capitals Physio Patrick ) कोरोना चाचणीत पॉझिटिव्ह आढळले आहेत. ते सध्या आयसोलेशनमध्ये आहे. सध्या दिल्ली कॅपिटल्सचे वैद्यकीय पथक त्यांच्यावर बारीक लक्ष ठेवून आहे. सध्या तो संघासोबत प्रवास करणार नाही आणि तो किमान एक आठवडा क्वारंटाईनमध्ये राहू शकतो. याशिवाय, आयपीएल 2022 मध्ये आतापर्यंत एकही कोरोनाचा रुग्ण समोर आलेला नाही.

विशेष म्हणजे, भारतात कोरोनाच्या वाढत्या केसेसमुळे आयपीएल 2020 ( IPL 2020 ) चा संपूर्ण सीझन यूएईमध्ये खेळवण्यात आला होता. त्याचबरोबर आयपीएल 2021 ( IPL 2021 ) चा अर्धा भाग कोरोनाच्या प्रकरणांमुळे पुढे ढकलावा लागला होता. आयपीएल 2021 चा पहिला भाग भारतात खेळला गेला, तर आयपीएल 2021 च्या मोसमाचा दुसरा भाग यूएई मध्ये आयोजित करण्यात आला होता. तसेच यंदा आयपीएलच्या पंधराव्या हंगामातील सामन्यांचे आयोजन कडक बायो-बबल ( Bio-Bubble ) मध्ये फक्त मुंबई आणि पुण्यात होत आहेत.

हेही वाचा -IPL 2022 SRH vs KKR : नाणेफेक जिंकून हैदराबादचा गोलंदाजीचा निर्णय; फलंदाजी करण्यासाठी कोलकाता सज्ज