IPL 2022 Updates : आज होणार डबल हेडर सामने, जाणून घ्या कोणाचा कोणाशी सामना

आयपीएल 2022 ( IPL 2022 ) मध्ये रविवारी म्हणजेच 15 मे रोजी दुहेरी हेडर सामने खेळवले जातील. पहिला सामना दुपारी 3.30 वाजता सुरू होईल, जो चेन्नई सुपर किंग्ज आणि गुजरात टायटन्स यांच्यात खेळला जाईल. त्याचवेळी, दुसरा सामना संध्याकाळी 7.30 वाजता सुरू होईल, ज्यामध्ये लखनौ सुपर जायंट्स आणि राजस्थान रॉयल्सचे संघ आमनेसामने असतील.

मुंबई:मुंबई: रविवारी ( 15 मे ) आयपीएल 2022 डबल हेडर सामने होणार आहेत, यातील पहिला सामना चेन्नई सुपर किंग्ज विरुद्ध गुजरात टायटन्स ( Chennai Super Kings vs Gujarat Titans ) संघात होणार आहे. हा सामना वानखेडे स्टेडियमवर दुपारी साडेतीन पासून सुरु होईल. प्ले-ऑफमध्ये स्थान मिळवलेला गुजरात टायटन्स रविवारी इंडियन प्रीमियर लीगमध्ये प्ले-ऑफमच्या शर्यतीतून बाहेर पडलेल्या चेन्नई सुपर किंग्जवर विजय मिळवून अव्वल दोनमध्ये स्थान मिळवण्याचा प्रयत्न करेल.

हार्दिक पांड्याच्या नेतृत्वाखाली गुजरातने अपेक्षेपेक्षा चांगली कामगिरी केली आणि दोन सामने शिल्लक असताना प्लेऑफमध्ये स्थान निश्चित केले. गुजरात टायटन्स 12 सामन्यांतून 18 गुणांसह गुणतालिकेत आघाडीवर आहे आणि रविवारी जिंकल्यास अव्वल दोनमध्ये स्थान निश्चित होईल, याचा अर्थ संघाला अंतिम फेरीत जाण्याची अतिरिक्त संधी मिळेल. दहा संघांच्या गुणतालिकेत नवव्या क्रमांकावर असलेला गतविजेता सुपर किंग्ज प्लेऑफच्या शर्यतीतून बाहेर पडला असून, ते उर्वरित दोन लढती प्रतिष्ठा वाचवण्याच्या इराद्याने खेळतील.

टायटन्सने लखनौ सुपर जायंट्सविरुद्धच्या मागील सामन्यात 62 धावांनी विजय मिळवून प्लेऑफमध्ये स्थान निश्चित केले होते, तर सुपर किंग्जला त्यांच्या मागील सामन्यात मुंबई इंडियन्सविरुद्ध पाच विकेट्सने पराभव स्वीकारावा लागला होता. युवा सलामीवीर शुभमन गिल, कर्णधार हार्दिक, डेव्हिड मिलर, ऋद्धिमान साहा आणि राहुल तेवतिया यांनी हंगामात टायटन्ससाठी चांगली फलंदाजी केली आहे आणि चेन्नई सुपर किंग्जविरुद्ध गती कायम ठेवू इच्छितो.

गुजरात टायटन्स : हार्दिक पंड्या (कर्णधार), अभिनव मनोहर, डेव्हिड मिलर, गुरकीरत सिंग, बी साई सुदर्शन, शुभमन गिल, राहुल तेवतिया, विजय शंकर, मॅथ्यू वेड, रहमानउल्ला गुरबाज, ऋद्धिमान साहा, अल्झारी जोसेफ, दर्शन नालकांडे, मोहम्मद फेरगुसन, लॉकी शमी, नूर अहमद, प्रदीप सांगवान, राशिद खान, रवी श्रीनिवासन साई किशोर, वरुण आरोन आणि यश दयाल.

चेन्नई सुपर किंग्ज : एमएस धोनी (कर्णधार), मोईन अली, रुतुराज गायकवाड, ड्वेन ब्राव्हो, अंबाती रायुडू, रॉबिन उथप्पा, मिचेल सँटनर, ख्रिस जॉर्डन, अॅडम मिल्ने, डेव्हॉन कॉनवे, शिवम दुबे, ड्वेन प्रिटोरियस, महेश तिक्षा, राजवर्धन हंगरगेकर, तुळशी देशपांडे, केएम आसिफ, सी हरी निशांत, एन जगदीशन, सुभ्रांशु सेनापती, के भगत वर्मा, प्रशांत सोलंकी, सिमरजीत सिंग आणि मुकेश चौधरी.

आयपीएल 2022 च्या सुपर संडेमधील दुसरा सामना राजस्थान रॉयल्स विरुद्ध लखनौ सुपर जायंट्स ( Rajasthan Royals vs Lucknow Super Giants ) सघात खेळला जाणार आहे. दुसरा सामना मुंबईतील ब्रेबॉर्न स्टेडियमवर खेळला जाणार आहे. या सामन्याला संध्याकाळी साडेसातला सुरुवात होईल.

संपूर्ण हंगामात धमाकेदार फॉर्ममध्ये असलेल्या लखनौ सुपर जायंट्सचे मागील सामन्यातील पराभवातून सावरल्यानंतर रविवारी राजस्थान रॉयल्सचा पराभव करून प्लेऑफमध्ये आपले स्थान निश्चित करण्याचे लक्ष्य असेल. सलग चार विजयांसह गुणतालिकेत अव्वल स्थानावर असलेल्या लोकेश राहुलच्या नेतृत्वाखालील सुपर जायंट्स संघाने गुजरात टायटन्सविरुद्धच्या त्यांच्या मागील सामन्यात त्यांचे पहिले स्थान गमावले होते. सुपर जायंट्स 16 गुणांसह दुसऱ्या स्थानावर आहेत आणि प्लेऑफ सुरू होण्यापूर्वी त्यांना दुसरा सामना गमावायचा नाही.

मागील सामन्यात दिल्ली कॅपिटल्सविरुद्ध आठ गडी राखून पराभूत झाल्यानंतर रॉयल्स संघ प्लेऑफमधील स्थानाचा दावा मजबूत करण्याचा प्रयत्न करेल. रविवारी सापूर जायंट्सच्या संघाने विजयाची नोंद केली तर त्यांचे प्लेऑफमधील स्थान निश्चित होईल. जर रॉयल्स संघानेही विजयाची नोंद केली तर ते अंतिम चारमध्ये स्थान मिळवण्याच्या दिशेने आणखी एक पाऊल टाकतील.

लखनौ सुपर जायंट्स : लोकेश राहुल (कर्णधार), मनन वोहरा, एविन लुईस, मनीष पांडे, क्विंटन डी कॉक, रवी बिश्नोई, दुष्मंता चमिरा, मोहसिन खान, मयंक यादव, अंकित राजपूत, आवेश खान, अँड्र्यू टाय, मार्कस स्टॉइनिस, काइल मेयर्स, करण शर्मा, कृष्णप्पा गौतम, आयुष बडोनी, दीपक हुडा, कृणाल पंड्या आणि जेसन होल्डर.

राजस्थान रॉयल्स : संजू सॅमसन (कर्णधार), जोस बटलर, यशस्वी जैस्वाल, रविचंद्रन अश्विन, ट्रेंट बोल्ट, शिमरॉन हेटमायर, देवदत्त पडिक्कल, प्रसिद्ध कृष्णा, युझवेंद्र चहल, रियान पराग, केसी करिअप्पा, नवदीप सैनी, ओबेद मॅककॉय, अनुनाय सिंग, अनुनाय , करुण नायर, ध्रुव जुरेल, तेजस बारोका, कुलदीप यादव, शुभम गढवाल, जेम्स नीशम, नॅथन कुल्टर-नाईल, रिउस व्हॅन डर ड्युसेन आणि डॅरिल मिशेल.

हेही वाचा -Andrew Symonds Dies : ऑस्ट्रेलियाचे माजी क्रिकेटपटू अँड्र्यू सायमंड्सचा कार अपघातात मृत्यू