कोलकाता: इंडियन प्रीमियर लीगच्या 15 व्या हंगामाचा थरार आता अंतिम टप्प्यात आला आहे. मंगळवारी (24मे) आयपीएल 2022 मधील पहिला सामना ( First qualifier match ) राजस्थान रॉयल्स विरुद्ध गुजरात टायटन्स ( Rajasthan Royals vs Gujarat Titans ) यांच्यात खेळला जाणार आहे. या सामन्याला संध्याकाळी साडेसातला ईडन गार्डन्स येथे सुरु होणार आहे. तत्पुर्वी दोन्ही संघाचे कर्णधार संजू सॅमसन आणि हार्दिक पांड्या यांच्यात नाणेफेक पार पडली. गुजरात टायटन्स संघाने नाणेफेक जिंकून प्रथम गोलंदाजीचा निर्णय घेतला आहे.
आयपीएल 2022 च्या गुणतालिकेत गुजरातने साखळी टप्प्यात सर्वोत्तम खेळ केला आणि त्यांच्या 14 पैकी 10 सामने जिंकले. तर राजस्थानने 14 पैकी 9 सामन्यात विजय मिळवून गुणतालिकेत दुसरे स्थान पटकावले आहे. या आधी दोन्ही संघात एक सामना खेळला गेला होता, ज्यामध्ये राजस्थान संघाला 37 धावांनी पराभव स्वीकारावा लागला होता.
आजचा सामना जिंकणारा संघ थेट फायलमध्ये धडक मारेल, तर पराभूत होणाऱ्या संघाला दुसरा क्वालिफायर सामना खेळण्याची संधी मिळेल. परंतु दोन्ही संघ हा सामना जिंकून फायनलचे तिकिट पक्के करण्याच्या इराद्याने मैदानात उतरतील.