मुंबई - दिल्ली कॅपिटल्स विरुद्ध राजस्थान रॉयल्स यांच्यात वानखेडे स्टेडियमवर आज सामना रंगणार आहे. या सामन्याला राजस्थानचा स्टार खेळाडू बेन स्टोक्स मुकणार आहे. त्यांच्या जागेवर कोणता खेळाडू खेळणार? याची उत्सुकता आहे.
बेन स्टोक्सच्या हाताला पंजाब विरुद्ध झालेल्या सामन्यात दुखापत झाली होती. हाताच्या बोटाला झालेली ही दुखापत जास्त गंभीर असल्याने तो संपूर्ण आयपीएलमधून बाहेर गेला आहे. त्याच्या जागेवर आज संघात डेव्हिड मिलरला संधी दिली जाण्याची शक्यता व्यक्त केली जात आहे.
पहिल्या सामन्यात स्टोक्स मनन वोहरासोबत सलामीला उतरला होता. दुखापतीमुळे तो नसल्याने आता सामन्याची सुरुवात जोस बटलर करणार आहे. संजू सॅमसनचा जलवा पुन्हा या सामन्यात पाहायला मिळेल अशी आशा चाहत्यांची आहे. स्टोक्सच्या जागी मिलरला संघात संधी दिली जाण्याची शक्यता आहे. तो चौथ्या स्थानावर फलंदाजीसाठी उतरेल अशी चर्चा आहे. तर राहुल तेवतिया आणि शिवम दुबे ऑलराऊंडर म्हणून खेळताना दिसणार आहेत.
दुसरीकडे दिल्ली कॅपिटल्स संघात आज दोन महत्त्वाचे खेळाडू नसतील, असे सांगितले जात आहे. अक्षर पटेल आणि एनरिक नॉर्टिजे कोरोनामुळे सध्या हे दोन्ही खेळाडू मैदानात उतरणार नाही, अशी चर्चा आहे.
राजस्थान रॉयल्सचा संघ -