मुंबई -कोलकाता नाइट रायडर्स आणि दिल्ली कॅपिटल्स यांच्यात सामना मंगळवारी पार पडला. या सामन्यात कोलकाताने दिल्लीचा 3 गडी राखून पराभव केला. पण या सामन्यात दिल्लीचा कर्णधार ऋषभ पंतने विरेंद्र सेहवागचा एक रेकॉर्ड मोडला.
कर्णधार ऋषभ पंतने मंगळवारी झालेल्या सामन्यात 38 धावांची खेळी केली. या खेळीसह त्याने माजी कर्णधार विरेंद्र सेहवागचा रेकॉर्ड मोडला. सेहवागने दिल्लीसाठी खेळताना 85 डावात 2 हजार 382 धावा केल्या होत्या. तर पंतने 75 डावात 2 हजार 390 धावा करत सेहवागला मागे टाकले. या यादीत दिल्लीचा माजी कर्णधार श्रेयस अय्यर तिसऱ्या स्थानावर आहे. त्याने 82 डावात 2 हजार 291 धावा केल्या आहेत. तर शिखर धवन 58 डावात 1 हजार 933 धावा करत या यादीत चौथ्या स्थानी आहे.
दरम्यान, आयपीएल 2021 मध्ये दिल्ली कॅपिटल्स संघाने चांगली कामगिरी केली आहे. त्यांचे प्ले ऑफ फेरीतील स्थान जवळपास निश्चित आहे. दिल्लीने 11 पैकी 8 सामन्यात विजय मिळवला आहे. ते 16 गुणांसह गुणतालिकेत दुसऱ्या स्थानावर आहेत.