दुबई -आयपीएलमध्ये आता काही सामने बाकी असून फक्त मुंबईचा संघ प्लेऑफसाठी पात्र ठरला आहे. तर बंगळुरू, कोलकाता आणि द्लील यांनी बाद फेरीच्या आशा कायम ठेवल्या आहेत. कालच्या सामन्यात कोलकाता नाईट रायडर्सने राजस्थान रॉयल्सवर ६० धावांनी मात केली. या पराभवासोबत राजस्थानचा संघ यंदाच्या आयपीएलमधून बाहेर पडला आहे. राजस्थानच्या संघाला १२ गुणांसह गुणतालिकेत शेवटचे स्थान मिळाले. आतापर्यंतच्या आयपीएलच्या इतिहासात तळाच्या संघाला मिळालेले हे सर्वात जास्त गुण ठरले.
कोलकाताविरुद्धच्या पराभवासोबतच राजस्थानच्या नावे एका लाजिरवाण्या विक्रमाची नोंद झाली. गुणतालिकेत पहिल्यांदा राजस्थानला तळाच्या स्थानावर समाधान मानावे लागले. शिवाय, आयपीएल विजेता संघ तळाला राहण्याचेही हे पहिलेच वर्ष ठरले. आयपीएलच्या पहिल्या हंगामात राजस्थानने विजेतेपद मिळवले होते.