कोलंबो - भारतीय संघाचा अष्टपैलू खेळाडू कृणाल पांड्याला मंगळवारी कोरोनाची बाधा झाल्याचे समोर आले. यामुळे मंगळवारी होणारा श्रीलंकेविरुद्धचा टी-20 स्थगित करण्यात आला होता. आता या प्रकरणातील महत्वाचे अपडेट समोर आले आहेत.
कृणाल पांड्या उर्वरित मालिकेतून बाहेर पडला आहे. तो पुढील सात दिवस क्वारंटाइन राहिल.
कृणाल पांड्याच्या संपर्कातील खेळाडूंचा रिपोर्ट काय आला
कृणाल पांड्याचा कोरोना रिपोर्ट पॉझिटिव्ह आल्यानंतर त्याच्या संपर्कातील 8 खेळाडूंची कोरोना चाचणी करण्यात आली. आज या खेळाडूंचे रिपोर्ट आले असून यात सर्व खेळाडू निगेटिव्ह आले आहेत. यामुळे ते सर्व खेळाडू आज होणाऱ्या दुसऱ्या टी-20 सामन्यासाठी उपलब्ध असतील.
बीसीसीआयमधील सूत्रांनी सांगितलं की, "कृणालमध्ये लक्षणे होती. त्याला खोकला आणि घस्याचा त्रास होत होता. त्यावेळी त्याची चाचणी करण्यात आली. तो बाधित आढळल्याने मालिकेतून बाहेर झाला आहे."