पोर्ट ऑफ स्पेन: क्वीन्स पार्क ओव्हल येथे भारत आणि वेस्ट इंडिज संघातील तीन सामन्यांच्या वनडे मालिकेतील आज दुसरा सामना खेळला ( IND vs WI 2nd ODI ) जाणार आहे. या सामन्याला संध्याकाळी सातला सुरुवात होणार आहे. तत्पुर्वी भारतीय संघाचा कर्णधार शिखर धवन ( Captain Shikhar Dhawan ) आणि वेस्ट इंडिजचा कर्णधार निकोलस पूरन ( Captain Nicholas Pooran ) यांच्यात नाणेफेक पार पडली आहे. ( West Indies opt to bat ) निर्णय घेतला आहे.
भारतीय संघात आज आवेश खानला संधी देण्यात आली आहे. त्याचा हा आजचा वनडे पदार्पणाचा ( Avesh Khan debut in ODIs ) सामना आहे. भारत आणि वेस्ट इंडिज संघातील वनडे मालिकेतील पहिला सामना फक्त तीन धावांनी जिंकला होता. त्यामुळे भारतीय संघ मालिकेत 1-0 ने आघाडीवर आहे. त्यामुळे आजचा सामना जिंकून मालिका खिश्यात घालण्यासाठी भारतीय संघ सज्ज असणार आहे. त्याचबरोबर वेस्ट इंडिज संघ मागील सामन्यातील पराभव विसरुन जोरदार मुसंडी मारण्याचा प्रयत्न करेल.