IND vs NZ 3rd ODI : न्यूझीलंड विरुद्धच्या तिसऱ्या एकदिवसीय सामन्यात नसणार कोहली, गिल आणि शमी; रजत पाटीदारचे पदार्पण

भारत विरुद्ध न्यूझीलंड एकदिवसीय मालिकेतील तिसरा आणि शेवटचा सामना 24 जानेवारी रोजी इंदूरमध्ये होणार आहे. या सामन्यात टीम इंडियातील अनेक वरिष्ठ खेळाडूंना विश्रांती दिली जाऊ शकते. याशिवाय संघात मोठे बदलही होऊ शकतात. यामुळे काही खेळाडूंचे नशीबही चमकू शकते.

नवी दिल्ली : न्यूझीलंडविरुद्धच्या तीन सामन्यांच्या वन-डे मालिकेतील शेवटचा सामना मंगळवारी (२४ जानेवारी) मध्य प्रदेशातील इंदूर शहरात होणार आहे. इंदूरच्या होळकर स्टेडियमवर भारत आणि न्यूझीलंड यांच्यात होणारा सामना खूपच रोमांचक असेल. याआधी मालिकेतील दोन सामने जिंकणाऱ्या टीम इंडियाची नजर न्यूझीलंडचा सफाया करण्यासाठी असेल. किवी संघ आपली प्रतिष्ठा वाचवण्यासाठी संघर्ष करेल.

ऑस्ट्रेलियाविरुद्ध चार सामन्यांची कसोटी मालिका :भारतीय संघाचा कर्णधार रोहित शर्माने दुसरा एकदिवसीय सामना जिंकल्यानंतर काही खेळाडूंना शेवटच्या सामन्यात विश्रांती दिली जाऊ शकते, असे संकेत दिले आहेत. 9 फेब्रुवारीपासून भारताला ऑस्ट्रेलियाविरुद्ध चार सामन्यांची कसोटी मालिका खेळायची आहे. त्यामुळे अनेक वरिष्ठ खेळाडूंना विश्रांती दिली जाऊ शकते. क्रिकेट तज्ज्ञांच्या मते, मोहम्मद शमी, शुभमन गिल आणि विराट कोहलीला तिसऱ्या वनडेमध्ये ब्रेक दिला जाऊ शकतो, असे झाले, तर टीम इंडियाची प्लेइंग इलेव्हन कशी असेल हे पाहता येईल.

मधल्या फळीतील फलंदाज रजत पाटीदारला पदार्पणाची संधी :रोहित शर्मा स्फोटक मधल्या फळीतील फलंदाज रजत पाटीदारला बेंच स्ट्रेंथ तपासण्यासाठी पदार्पणाची संधी देऊ शकतो. कोहलीच्या जागी रजत किंग तिसऱ्या क्रमांकावर खेळू शकतो, अशी अटकळ बांधली जात आहे. त्याचबरोबर शुभमन गिलऐवजी ईशान किशन हिटमॅनसोबत ओपनिंग करू शकतो.

असा असेल भारतीय संघ :तिसरा वनडेमध्ये टीम इंडिया खेळत आहे. प्लेइंग इलेव्हनमध्ये इशान किशन, रोहित शर्मा, रजत पाटीदार, सूर्यकुमार यादव, हार्दिक पंड्या, शाहबाज अहमद, वॉशिंग्टन सुंदर, शार्दुल ठाकूर, कुलदीप यादव, उमरान मलिक आणि मोहम्मद सिराज. तिसर्‍या वनडेसाठी टीम इंडियाचा इंदूरमध्ये प्रवेश झाल्यानंतर ढोल वाजवून खेळाडूंचे स्वागत करण्यात आले. ज्याचा व्हिडिओ सोशल मीडियावर खूप ट्रेंड होत आहे. हा व्हिडिओ पाहून चाहते आता आणखीनच उत्साहित झाले आहेत.