ओवल - इंग्लंडविरुद्ध ओवलमध्ये खेळल्या जात असलेल्या चौथ्या कसोटी सामन्यात भारतीय संघाचा वेगवान गोलंदाज जसप्रीत बुमराह याने इतिहास रचला. त्याने कसोटी क्रिकेटमध्ये 100 विकेटचा टप्पा गाठला. त्याने हा कारनामा अवघ्या 24 कसोटीत केला आहे. या कामगिरीसह त्याने भारताचे महान अष्टपैलू खेळाडू कपिल देव यांचा विक्रम मोडीत काढला.
जसप्रीत बुमराह, भारतासाठी जलद 100 विकेट घेणारा गोलंदाज ठरला आहे. कपिल देव यांनी 25 कसोटी सामन्यात 100 विकेटचा टप्पा गाठला होता. बुमराहने ओवल कसोटी सामन्याच्या पाचव्या दिवशी ओली पोपला क्लीन बोल्ड करत कसोटी क्रिकेटमधील 100 विकेट पूर्ण केले.
भारतासाठी आतापर्यंत 7 वेगवान गोलंदाजांनी कसोटी क्रिकेटमध्ये 100 किंवा त्याहून अधिक विकेट घेतल्या आहेत. या यादीत कपिल देव, जहीर खान, जवागल श्रीनाथ, इशांत शर्मा, करसन घावरी, इरफान पठाण आणि मोहम्मद शमीचा समावेश आहे.
अनिल कुंबळे अव्वल