नवी दिल्ली :बॉर्डर गावस्कर ट्रॉफीचा पहिला सामना जिंकून भारतीय संघ १-० ने आघाडीवर आहे. पहिल्या कसोटी सामन्यात विराट कोहली जोशात दिसला नाही. पहिल्या डावात त्याने केवळ 12 धावा केल्या. तो लवकरच टॉड मर्फीला बळी पडला. दुसऱ्या कसोटीत कोहलीने ५२ धावा केल्या तर तो आणखी एक विक्रम आपल्या नावावर नोंदवेल. दुसरा सामना 17 फेब्रुवारीपासून दिल्लीत होणार आहे. घरच्या मैदानावर, आंतरराष्ट्रीय क्रिकेटमध्ये 25,000 धावा पूर्ण करणारा कोहली जगातील पहिला सक्रिय फलंदाज बनू शकतो.
सचिन तेंडुलकरचा पराक्रम: भारतीय क्रिकेटच्या इतिहासात सचिन तेंडुलकर हा एकमेव खेळाडू आहे ज्याने आंतरराष्ट्रीय क्रिकेटमध्ये सर्वाधिक 34357 धावा केल्या आहेत. त्याच्यानंतर विराट कोहली हा २५ हजारी असलेला दुसरा भारतीय फलंदाज ठरणार आहे. कोहलीने आंतरराष्ट्रीय क्रिकेटमध्ये 24948 धावा केल्या आहेत. कोहलीने 105 कसोटी सामने खेळले असून त्यात त्याच्या 8131 धावा आहेत. नाबाद 254 ही त्याची सर्वोच्च धावसंख्या आहे.
आंतरराष्ट्रीय क्रिकेटमध्ये सर्वाधिक धावा
1. सचिन तेंडुलकर (भारत) - 34357 धावा
2. कुमार संगकारा (श्रीलंका) - 28016 धावा
3. रिकी पाँटिंग (ऑस्ट्रेलिया) - 27483 धावा
4. महेला जयवर्धने (श्रीलंका)- 25957 धावा
5. जॅक कॅलिस (दक्षिण आफ्रिका) - 25534 धावा
6. विराट कोहली (भारत) - 24948 धावा
आंतरराष्ट्रीय क्रिकेटमध्ये सर्वाधिक शतके
1. सचिन तेंडुलकर (भारत) - 100 शतके
2. विराट कोहली (भारत) - 74 शतके
3. रिकी पाँटिंग (ऑस्ट्रेलिया) - 71 शतके
4. कुमार संगकारा (श्रीलंका) - 63 शतके
5. जॅक कॅलिस (दक्षिण आफ्रिका) - 62 शतके
6. हाशिम आमला (दक्षिण आफ्रिका) - 55 शतके
विराट कोहलीची उत्कृष्ट कामगिरी :भारतीय संघाचा वेगवान फलंदाज विराट कोहली त्याच्या उत्कृष्ट कामगिरीमुळे सर्वांचाच लाडका आहे. किंग कोहली हा आपल्या फलंदाजीने लाखो लोकांच्या हृदयाला स्पर्श करणारा खेळाडू आहे. कोहलीने आपल्या फलंदाजीने टीम इंडियाला अनेक महत्त्वाच्या प्रसंगी विजय मिळवून दिला आहे. कोहली मैदानावर नेहमीच नंबर वन राहिला आहे. पण आता मैदानाबाहेरही किंग कोहलीची मोहिनी कायम आहे. वर्ष 2022 मध्ये कोहली सर्वात जास्त आवडलेला क्रिकेटर ठरला आहे.
करिअरची सुरुवात आरसीबीमधून : विराट कोहलीचे सोशल मीडियावर खूप चाहते आहेत. कोहलीला इंस्टाग्रामवर २३ कोटींहून अधिक लोक फॉलो करतात. किंग कोहलीचा हा विक्रम कोणत्याही क्रिकेटपटूमध्ये सर्वाधिक आहे. त्याची फॅन फॉलोइंग पाहण्यासारखी आहे. विराट कोहली आयपीएलमध्ये रॉयल चॅलेंजर्स बंगळुरूकडून खेळतो. कोहलीमुळे त्याच्या चाहत्यांनाही आरसीबी खूप आवडतो. विराट कोहलीप्रमाणेच आरसीबी देखील 2022 मध्ये इंस्टाग्रामवर जगातील सर्वात लोकप्रिय क्रिकेट संघ ठरला आहे. कोहलीने त्याच्या आयपीएल करिअरची सुरुवात आरसीबीमधून केली होती. त्याचवेळी किंग कोहली अजूनही रॉयल चॅलेंजर्स बंगळुरूकडून खेळतो.
हेही वाचा:Women Football Team : माजी प्रशिक्षकाला लवकरच होणार अटक; अल्पवयीन मुलीवर लैंगिक अत्याचाराचे प्रकरण
