नवी दिल्ली : रविचंद्रन अश्विनसारख्या प्रतिभावान गोलंदाजाला कसोटी संघाच्या प्लेइंग इलेव्हनमधून वगळले जाऊ शकते, तर दीर्घकाळ आपल्या लयीसाठी झगडत असलेल्या विराट कोहलीलाही टी-20 संघातून बाहेर करावे, असे मत भारताचे माजी कर्णधार कपिल देव यांनी व्यक्त ( Kapil Dev Statement on Virat Kohli ) केले. कोहलीला बाहेर करणे ही मोठी समस्या नसावी. कारण कोहली जवळपास तीन वर्षांपासून मोठी खेळी खेळण्यासाठी झगडत आहे. कपिल देव म्हणाले लयीत असलेल्या खेळाडूंना कौशल्य दाखवण्यासाठी भारतीय संघ व्यवस्थापनाने पुरेशी संधी न दिल्यास त्यांच्यावर अन्याय होईल.
कपिल म्हणाले, जर तुम्ही कसोटीतील दुसऱ्या क्रमांकाचा सर्वोत्तम गोलंदाज असलेल्या अश्विनला ( Spinner Ravichandran Ashwin ) संघाबाहेर ठेवू शकता, तर जगातील अव्वल क्रमांकाचा खेळाडूही बाहेर बसू शकतो. कपिल म्हणाले, कोहलीने धावा कराव्यात अशी माझी इच्छा आहे, पण सध्या विराट कोहली आपण ज्या विराटला ओळखतो त्यानुसार खेळत नाही. त्याने आपल्या कामगिरीच्या जोरावर आपले नाव केले आहे, पण जर त्याला कामगिरी करता येत नाही तर आपण नवीन खेळाडूंना बाहेर ठेवू शकत नाही.
भारतीय संघाचा माजी कर्णधार ( Former Indian captain Kapil Dev ) म्हणाले की, संघात स्थान मिळवण्यासाठी कोहली आणि युवा खेळाडूंमध्ये चांगली स्पर्धा व्हावी, अशी माझी इच्छा आहे. ते म्हणाले, नवीन खेळाडूंनी विराटप्रमाणे कामगिरी करावी अशी माझी इच्छा आहे. त्यामुळे विराटने अशा प्रकारे पुनरागमन करावे की नवीन खेळाडूंना त्यांचा स्तर आणखी उंचवावा लागेल. दोघांमध्ये चांगली स्पर्धा असावी असे मला वाटते. विराटने असा विचार करायला हवा की तो एकेकाळी संघाचा अव्वल फलंदाज होता आणि त्याला या संघातही तेच करायचे आहे. संघासाठी ही चांगली समस्या आहे.