हैद्राबादICC World CUP 2023 : आयसीसी विश्वचषक 2023 साठी रविवारी धर्मशाला येथे भारत विरूद्ध न्यूझीलंड यांच्यात सामना होणार आहे. सामन्यापूर्वी न्यूझीलंड क्रिकेट संघाचा उपकर्णधार टॉम लॅथमनं पत्रकार परिषद आपली भूमीका स्पष्ट केलीय. यावेळी तो म्हणाला की, भारतीय संघ महान आहे. या विश्वचषकात भारतीय संघानं आतापर्यंत अप्रतिम कामगिरी केली आहे. अशा स्थितीत धर्मशाला येथे रविवारी महत्त्वाच्या लढतीत उभय संघांमध्ये स्पर्धा होणार आहे. त्याचबरोबर जगातील कोणत्याही संघाला पराभूत करण्याची ताकद न्यूझीलंड संघात असल्याचेही तो म्हणाला.
न्यूझीलंडला भारतात खेण्याचा अनुभव :आयपीएलमध्ये न्यूझीलंडच्या खेळाडूंनी भारतातील चेन्नई संघासाठी अनेक सामने खेळले आहेत. त्यामुळं त्यांना भारतातील खेळपट्ट्या, हवामानाचा भरपूर अनुभव आहे. गेल्या दोन विश्वचषकांमध्ये आम्ही उत्कृष्ट कामगिरी दाखवली होती, असं टॉम लॅथमनं म्हटलं आहे. इंग्लंडचे खेळाडू चांगले खेळत आहेत. त्याचबरोबर आता भारतात खेळण्याचा अनुभवाचाही आम्हा खूप फायदा होत आहे, असं टॉम लॅथमनं सांगितलं. जेव्हा-जेव्हा आयसीसीच्या स्पर्धेत भारतासोबत सामना होतो, तेव्हा-तेव्हा स्पर्धा पाहायला मिळते. आजच्या युगात जगातील कोणत्याही संघाला पराभूत करण्याची ताकद न्यूझीलंडमध्ये आहे. भारतात पूर्णपणे वेगळी परिस्थिती आहे, अशा परिस्थितीत आम्ही पूर्ण उर्जेने खेळू, असं टॉम लॅथम यांनी म्हटलं आहे.