नवी दिल्ली : काल आंतरराष्ट्रीय क्रिकेट परिषदेने (ICC) त्यांच्या ट्विटर अकाऊंटवरून एकदिवसीय विश्वचषक 2023 चा लोगो जारी केला. यामध्ये क्रिकेट विश्वचषक 2023 ला 'नवरस' च्या रुपात दाखवले आहे. या लोगो मार्फत नवरसांची क्रिकेटच्या संदर्भात पुन: कल्पना केली गेली. विश्वचषकातील सामन्यांच्या फुल - ऑन ड्रामॅपासून चाहत्यांच्या उत्साहापर्यंत प्रत्येक भावना व्यक्त करण्यासाठी लोगोमध्ये वेगवेगळे रंग वापरले गेले आहेत. नवरसांमध्ये आनंद, सामर्थ्य, सन्मान, अभिमान, शौर्य, गौरव, आश्चर्य, दुःख आणि उत्कटता या सर्व भावनांचा समावेश होतो, ज्या एकदिवसीय विश्वचषकादरम्यान दिसतात.
भारत 2023 च्या विश्वचषकाचा यजमान : आजपासून बरोबर 12 वर्षांपूर्वी म्हणजेच 2 एप्रिल 2011 रोजी भारताने श्रीलंकेला हरवून तब्बल 28 वर्षांनी विश्वचषक जिंकला होता. 2011 विश्वचषकाच्या अंतिम सामन्यात टीम इंडियाने श्रीलंकेचा 6 गडी राखून पराभव करत विजेतेपद पटकावले होते. या सामन्यात कर्णधार महेंद्रसिंह धोनीने संस्मरणीय खेळी खेळताना षटकार ठोकून भारताला ऐतिहासिक विजेतेपद मिळवून दिले होते. भारतीय संघाने कर्णधार कपिल देवच्या नेतृत्वात 1983 मध्ये आपला पहिला वर्ल्डकप जिंकला होता. भारत आता यांदा तिसऱ्यांदा विश्वचषक जिंकण्याचा प्रयत्न करणार आहे. 2023 च्या विश्वचषकाचे यजमानपद भारताकडे आहे. 5 ऑक्टोबरला स्पर्धेतील पहिला सामना खेळवला जाणार आहे.