मुंबई - भारताचा माजी गोलंदाज आर. पी. सिंग याचे वडील शिवप्रसाद सिंग यांचे कोरोनामुळे निधन झाले. मागील काही दिवसांपासून ते आजारी होते.
शिवप्रसाद यांना कोरोना झाला होता आणि त्यांना श्वास घेण्यास त्रास होत होता. यामुळे त्यांच्यावर लखनौच्या मेदांत रुग्णालयामध्ये उपचार सुरू होते. बुधवारी दुपारी बारा वाजण्याच्या सुमारास त्यांनी अखेरचा श्वास घेतला.
वडिलांना कोरोना झाल्यामुळे आर. पी. सिंगने आयपीएल २०२१मधून समालोचकांच्या यादीतून आपले नाव मागे घेतले होते. दरम्यान, आर. पी. सिंगच्या आधी चेतन सकारिया, पीयूष चावला या दोघांनी देखील त्यांच्या वडिलांना गमावलं आहे.