दुबई - भारत विरुद्ध न्यूझीलंड यांच्यात जागतिक कसोटी अजिंक्यपद स्पर्धेचा अंतिम सामना सुरू आहे. आज या सामन्याचा अखेरचा दिवस आहे. यादरम्यान, भारताचा अष्टपैलू खेळाडू रविंद्र जडेजा याला एक आनंदाची बातमी मिळाली आहे. त्याने आयसीसी कसोटीच्या अष्टपैलू खेळाडूंच्या क्रमवारीत अव्वल स्थान पटकावले आहे. ४ वर्षानंतर पुन्हा जडेजा अव्वलस्थानी पोहोचला आहे.
आयसीसीने बुधवारी ताजी क्रमवारी जाहीर केली आहे. यात जडेजा ३८६ गुणांसह अव्वल स्थानावर विराजमान झाला आहे. त्याने वेस्ट इंडिजच्या जेसन होल्डरला मागे टाकलं. होल्डरच्या नावे ३८४ गुण आहेत. बेन स्टोक्स (३७७) व आर अश्विन (३५३) अनुक्रमे तिसऱ्या व चौथ्या क्रमांकावर आहेत.
क्विंटन डी कॉकची टॉप १० मध्ये एन्ट्री