साउथैम्पटन- आयसीसी विश्वकरंडक क्रिकेट स्पर्धेत आज बांग्लादेश आणि अफगाणिस्तान या दोन संघात सामना होणार आहे. हा सामना इंग्लंडच्या साउथैम्पटन शहरातील द रोज बोल मैदानावर दुपारी ३ वाजता खेळला जाणार आहे.
आत्तापर्यंत बांग्लादेश संघाने २ सामन्यात विजय मिळवला आहे. तर अफगाणिस्तानला आपल्या सगळ्या म्हणजे ६ सामन्यात पराभवाला सामोरे जावे लागले आहे. मागील सामन्यात अफगाणिस्तानने भारताला जोरदार टक्कर दिली होती. त्यावेळेस केवळ ११ धावांनी अफगाणिस्तानचा पराभव झाला होता. तर ऑस्ट्रेलिया विरुद्धच्या सामन्यात बांग्लादेशने चांगले प्रदर्शन केले होते. ३८२ धावांचे आव्हान घेऊन उतरलेल्या बांग्लादेशने ५० षटकात ३३३ धावा केल्या. मात्र, त्यांना विजय मिळवता आला नाही.
त्यामुळे एकाही सामन्यात विजय न मिळवलेला अफगाणिस्तान बांग्लादेशला हरवून विजयाचे खाते उघडतो? की गोलंदाजीच्या जोरावर बांग्लादेश आपल्याकडे विजय खेचून आणतो हे पाहणे महत्वाचे ठरणार आहे.