नवी दिल्ली - माजी क्रिकेटपटू युवराज सिंग यांचे वडील योगराज सिंग यांना एका चित्रपटातून काढून टाकण्यात आले आहे. दिग्दर्शक विवेक रंजन अग्निहोत्री यांनी योगराज सिंग यांना त्यांच्या निंदनीय भाषणामुळे चित्रपटातून काढून टाकले आहे. अग्निहोत्री यांच्या ‘द काश्मीर फाइल्स’ या चित्रपटाचे चित्रीकरण या आठवड्यात मसूरीमध्ये सुरू झाले आहे. लॉकडाउन होण्यापूर्वी, मार्च महिन्यात चित्रपटाचे चित्रीकरण करण्याची योजना होती. योगराज तेव्हापासून या चित्रपटाचा एक भाग होते.
हेही वाचा -खुशखबर!...रोहित शर्मा फिटनेस टेस्टमध्ये पास
सध्या सुरू असलेल्या शेतकरी आंदोलनात सहभाग घेत योगराज यांनी आक्षेपार्ह भाषण केले होते. त्याआधीही त्यांनी अनेक वादग्रस्त विधाने केली आहेत. दिग्दर्शक विवेक रंजन अग्निहोत्री म्हणाले की, 'द काश्मीर फाइल्स' या चित्रपटासाठी मी योगराज सिंग यांना खूप महत्त्वाच्या भूमिकेसाठी कास्ट केले होते आणि मी त्यांच्याशी बराच वेळ गप्पा मारल्या. मला माहित आहे की, त्यांच्याकडे वादग्रस्त विधाने करण्याचा इतिहास आहे, परंतु मी दुर्लक्ष केले. मी कला आणि कलाकार यांच्यात मिसळत नाही. मी एखाद्या कलाकाराचे राजकारण दूर ठेवतो."