एंटीगा - डेरेन ब्राव्होच्या शतकी खेळीच्या जोरावर वेस्ट इंडीजने श्रीलंकेविरुद्धचा तिसरा एकदिवसीय सामना ५ गडी राखून जिंकला. या विजयासह विंडीजने श्रीलंकेला ३ सामन्यांच्या मालिकेत ३-० ने क्लीन स्वीप केलं आहे.
श्रीलंकेने प्रथम फलंदाजी करताना ५० षटकात ६ बाद २७४ धावा केल्या होत्या. विंडीजने हे लक्ष्य ४८.३ षटकात ५ गड्याच्या मोबदल्यात पूर्ण केले. डेरेन ब्रोव्होने १३२ चेंडूत ५ चौकार आणि ४ षटकारांसह १०२ धावांची खेळी केली. तर केरॉन पोलार्डने ४२ चेंडूत ४ चौकार आणि १ षटकारासह नाबाद ५३ धावांची खेळी करत विजय मिळवून दिला.