नवी दिल्ली - यंदाची आयसीसी विश्वकरंडक स्पर्धा अनेक कारणांमुळे लक्षात राहिली. वेस्ट इंडिजचा डावखुरा वेगवान गोलंदाज शेल्डन कॉटरेल आपल्या सॅल्यूटमुळे चांगलाच लक्षात राहिला. आपल्या गोलंदाजीने आणि सैन्यप्रेमामुळे लोकांना भूरळ पाडणारा कॉटरेलच धोनीचा 'फॅन' झाला आहे.
विश्वकरंडक स्पर्धा आटोपल्यानंतर, धोनीने सैन्यात जाण्याचा निर्णय घेतला. भारताचा हा माजी कर्णधार सैन्यासोबत दोन महिने काश्मीरमध्ये गस्त घालणार आहे. हे देशप्रेम पाहून विंडीजचा कॉटरेल ही प्रभावित झाला आहे. त्याने धोनीबद्दल एक ट्विट करत त्याच्या सैन्यप्रेमाचे कौतूक केले आहे. कॉटरेल ने ट्विटमध्ये म्हटले आहे, 'हा माणूस क्रिकेटच्या मैदानावर प्रेरणादायी आहे. यासोबत तो, देशभक्त आणि कर्तव्यापलिकडे देशासाठी काहीतरी करणारा माणूस आहे.'