मुंबई - चेन्नई सुपर किंग्जने आयपीएल २०२१ च्या लिलावात खरेदी केलेला २२ वर्षीय वेगवान गोलंदाज हरिशंकर रेड्डीचा एक व्हिडिओ सद्या सोशल मीडियावर चांगलाच व्हायरल होत आहे. हा व्हिडिओ चेन्नईचा कर्णधार महेंद्रसिंह धोनी आणि गोलंदाज हरिशंकर यांच्यातील सरावाचा आहे.
चेन्नई सुपर किंग्ज संघाने आयपीएलच्या चौदाव्या हंगामाच्या तयारीला सुरूवात केली आहे. त्यांचा सराव सुरू आहे. या सराव सत्रात धोनीसह चेन्नईचे अनेक खेळाडू सहभागी झाले आहेत. यात नव्याने संघात दाखल झालेला हरिशंकर देखील आहे. त्याने धोनीचा बचाव भेदत त्याचा त्रिफळा उडवला. विशेष म्हणजे लेग स्टंम्प बराच लांब जाऊन पडला. हरिशंकरचा वेग आणि अचूक टप्पा पाहून तिथे उपस्थित असलेले सर्वजण चकीत झाले.