नवी दिल्ली - नुकत्याच संपलेल्या आयपीएल स्पर्धेत मुंबई इंडियन्ससाठी दमदार कामगिरी करणाऱ्या हार्दिक पंड्यावर भारताचा माजी विस्फोटक फलंदाज विरेंद्र सेहवाग कौतुकाचा वर्षाव केला आहे. सेहवागच्या मते, सध्याच्या भारतीय संघात हार्दिक पंड्याची जागा घेणारा एकही खेळाडू नाहीय.
सेहवाग म्हणाला, 'भारतीय संघात अष्टपैलू खेळाडूंचा विचार केला तर हार्दिकशी तुलना होईल असा एकही प्रतिभावान खेळाडू नाही. जर असे असते तर, हार्दिकची विश्वचषकामध्ये निवड झाली नसती. मुंबईला चौथ्यांदा आयपीएलचे विजेतेपद मिळवून देण्यात पांड्याने महत्वाची भूमिका बजावली असल्याचेही तो म्हणाला.'