मेलबर्न - ऑस्ट्रेलियामध्ये सुरू असलेल्या बिग बॅश लीगचा हंगाम अखेरच्या टप्प्यात पोहोचला आहे. रविवारी ब्रिस्बेन हिट आणि सिडनी थंडर यांच्यात नॉकआऊट सामना झाला. या सामन्यात सिडनी थंडरचा खेळाडू उस्मान ख्वाजाने भरमैदानात पँट उतरवली.
झाले असे की, कॅनबराच्या ओव्हल मैदानात ब्रिस्बेन हिट आणि सिडनी थंडर यांच्यात सामना रंगला होता. सिडनी थंडरने या सामन्यात प्रथम फलंदाजी केली. सिडनी थंडरकडून अ‌‌ॅलेक्स हेल आणि उस्मान ख्वाजा हे दोघे सलामीला उतरले. आठ षटकांचा खेळ झाल्यानंतर उस्मान ख्वाजाने आपली पँट उतरवली.
सामन्याच्या नवव्या षटकामध्ये ख्वाजा आपले पॅड, शूज आणि पँट काढून चड्डी निट करू लागला. यामुळे खेळ काही काळासाठी रोखण्यात आला. ख्वाजाच्या या कृतीमुळे विरोधी संघाच्या खेळाडूंसह प्रेक्षकही अवाक झाले. त्यानंतर खेळाडू, प्रेक्षक आणि समालोचक यांनाही हसू आवरले नाही.