आयपीएल सट्टेबाजी : गुरुग्राममधून दोन जणांना अटक

आरोपींना डीएलएफ फेज-3 च्या यू-ब्लॉकमधून अटक करण्यात आली आहे. अटक करण्यात आलेल्या आरोपींची नावे जनकपुरी येथील देसू कॉलनीतील रहिवासी सनी शर्मा आणि गुरुग्राम येथील दयानंद कॉलनीतील प्रवीण गांधी अशी आहेत.

गुरुग्राम - गुरुग्राम पोलिसांनी मंगळवारी इंडियन प्रीमियर लीगच्या (आयपीएल) सामन्यावर सट्टा लावल्याप्रकरणी दोघांना अटक केली आहे. अटक केलेल्यांकडून पोलिसांनी तीन मोबाइल फोन, एक लॅपटॉप, फोन चार्जर, लॅपटॉप चार्जर आणि एक रजिस्टर जप्त केले.

आरोपींना डीएलएफ फेज-3 च्या यू-ब्लॉकमधून अटक करण्यात आली आहे. अटक करण्यात आलेल्या आरोपींची नावे जनकपुरी येथील देसू कॉलनीतील रहिवासी सनी शर्मा आणि गुरुग्राम येथील दयानंद कॉलनीतील प्रवीण गांधी अशी आहेत.

गुरुग्राम पोलिसांचे प्रवक्ते सुभाष बोकैन म्हणाले, "विशिष्ट माहितीच्या आधारे पोलिसांनी घटनास्थळावर छापा टाकला आणि आरोपींना अटक केली. ह दोघेजण दिल्ली कॅपिटल्स आणि रॉयल चॅलेंजर्स बंगळुरू यांच्यात खेळल्या गेलेल्या आयपीएल सामन्यावर सट्टा लावत होते."

ते म्हणाले, "गुरुग्राममधील डीएलएफ फेज -3 पोलिस स्टेशनमध्ये संशयितांविरूद्ध कलम १३ए / ३/६७ अन्वये गुन्हा दाखल करण्यात आला आहे. पुढील तपास सुरू असल्याचे पोलिसांनी सांगितले आहे.