मेलबर्न - ऑस्ट्रेलियाविरुद्धच्या पहिल्या कसोटी सामन्यात सलामीवीर पृथ्वी शॉला अपेक्षित कामगिरी करता आली नाही. दोन्ही डावात तो स्वस्तात बाद झाला. या निराशजनक कामगिरीमुळे त्याला दुसऱ्या कसोटी सामन्यातून वगळण्यात आले. आता शॉच्या जागेवर शुबमन गिलला सलामीची संधी मिळण्याची शक्यता आहे. याचे संकेत बीसीसीआयकडून मिळत आहेत.
उभय संघामध्ये २६ डिसेंबरपासून बॉक्सिंग डे कसोटी सामन्याला सुरूवात होणार आहे. या सामन्याआधी बीसीसीआयने शुबमन गिलचा नेट्समध्ये फलंदाजीचा सराव करताना व्हिडीओ पोस्ट केला आहे. यावरून शुबमन गिलला सलामीला खेळण्याची संधी मिळेल, अशी शक्यता वर्तवली जात आहे.
टीम इंडिया कसोटी मालिकेत पिछाडीवर
भारत आणि ऑस्ट्रेलिया यांच्यात चार सामन्याची कसोटी मालिका खेळवली जात आहे. यातील पहिला सामना (दिवस रात्र) अ‌ॅडलेडच्या मैदानात खेळला गेला. या सामन्यात भारतीय संघाला पराभवाचे तोंड पाहावे लागले. हा सामना ऑस्ट्रेलियाने ८ गडी राखून जिंकला आणि मालिकेत १-० अशी आघाडी घेतली.
पहिल्या सामन्यात फलंदाजांची हाराकिरी -