मुंबई - कोरोनामुळे जगभरातील सर्व क्रीडा स्पर्धांसह क्रिकेट मालिकाही ठप्प आहेत. यामुळे सर्व खेळाडू आपला वेळ कुटुंबासमवेत घरी घालवत आहेत. यादरम्यान टीम इंडियाचा मधल्या फळीतील फलंदाज श्रेयस अय्यर सोशल मीडियावर चांगलाच सक्रिय दिसत आहे. अशात त्याने भारतीय संघाचा कर्णधार विराट कोहली हा 'कठोर' तर उपकर्णधार रोहित शर्माला प्रेरणादायक व्यक्ती असल्याचे म्हटलं आहे.
श्रेयशला ट्विटवर चाहत्यांनी प्रश्न विचारले. तेव्हा त्याने त्यांच्या प्रश्नांची दिलखुलास उत्तर दिली.
श्रेयसला हर्षवर्धन नावाच्या ट्विटर युजरने प्रश्न विचारला की, विराट कोहली विषयी एका शब्दात तु काय सांगशील?, यावर श्रेयसने कठोर असे उत्तर दिले.
बिंदू नावाच्या युजरने, रोहित शर्माबद्दल तू काय सांगशील असे विचारले असता, श्रेयसने, रोहितचे व्यक्तिमत्व अप्रतिम आहे. तो प्रेरणादायक आहे आणि संघातील खेळाडूंची देखील काळजी घेतो, असे सांगितले.