वहाब रियाजच्या 'यू-टर्न'वर शोएब अख्तर म्हणाला..

मर्यादित षटकांच्या क्रिकेटवर लक्ष केंद्रित करण्यासाठी वहाबने गेल्या वर्षी सप्टेंबरमध्ये प्रथम श्रेणी क्रिकेटमधून अनिश्चित काळासाठी ब्रेक घेतला होता. मात्र, आगामी इंग्लंड दौर्‍यासाठी पाकिस्तानच्या 29 सदस्यीय संघात त्यांची निवड झाली आहे.

लाहोर - पाकिस्तानचा माजी वेगवान गोलंदाज शोएब अख्तरने वेगवान गोलंदाज वहाब रियाजच्या कसोटी क्रिकेटमध्ये परतण्याच्या निर्णयाचे कौतुक केले आहे. आगामी इंग्लंड दौर्‍यासाठी वहाबने स्वत: ला उपलब्ध करून दिले. पाकिस्तानला इंग्लंड दौर्‍यावर तीन सामन्यांची कसोटी मालिका आणि तेवढ्याच सामन्यांची टी-20 मालिका खेळायची आहे.

मर्यादित षटकांच्या क्रिकेटवर लक्ष केंद्रित करण्यासाठी वहाबने गेल्या वर्षी सप्टेंबरमध्ये प्रथम श्रेणी क्रिकेटमधून अनिश्चित काळासाठी ब्रेक घेतला होता. मात्र, आगामी इंग्लंड दौर्‍यासाठी पाकिस्तानच्या 29 सदस्यीय संघात त्यांची निवड झाली आहे.

"वहाब रियाज, कसोटी क्रिकेटमध्ये स्वत:ला उपलब्ध करून देण्याच्या तुमच्या निर्णयाचे मला खरोखर कौतुक आहे. इंग्लंडच्या परिस्थितीत तुम्ही खूप चांगली कामगिरी कराल, इंशाल्लाह", असे अख्तरने ट्विटरवर म्हटले.

34 वर्षीय वहाब रियाजने 2010 मध्ये कसोटी क्रिकेटमध्ये पदार्पण केले होते. त्याने हा सामना इंग्लंडविरुद्ध खेळला होता. नऊ वर्षाच्या कसोटी क्रिकेट कारकिर्दीत त्याने पाकिस्तानसाठी 27 सामने खेळले असून 83 बळी पटकावले आहेत. 2011 च्या विश्वकरंडक स्पर्धेत त्याने भारताविरुद्ध 46 धावांत 5 बळी घेतले होते.