'हा' स्टार गोलंदाज बनणार शाहिद आफ्रिदीचा जावई

पाकिस्तानचा माजी अष्टपैलू खेळाडू शाहिद आफ्रिदीच्या मुलीचे लवकरच लग्न होणार आहे. पाकिस्तानचा वेगवान गोलंदाज शाहिन शाह आफ्रिदीसोबत, शाहिद आफ्रिदीची मुलगी अक्सा लग्न करणार आहे.

मुंबई - पाकिस्तानचा माजी अष्टपैलू खेळाडू शाहिद आफ्रिदीच्या मुलीचे लवकरच लग्न होणार आहे. पाकिस्तानचा वेगवान गोलंदाज शाहिन शाह आफ्रिदीसोबत, शाहिद आफ्रिदीची मुलगी अक्सा लग्न करणार आहे. याची माहिती खुद्द शाहिद आफ्रिदीने ट्विट द्वारे दिली.

शाहिन आणि शाहिद आफ्रिदीची मुलगी अक्सा यांचा लवकरच साखरपुडा होणार आहे. शाहिनचे वडील अय्याझ खान पाकिस्तानी मीडियाशी बोलताना म्हणाले, 'माझ्या मुलाचा साखरपुडा अक्सा आफ्रिदीशी होणार आहे. अक्सा जेव्हा शिक्षण पूर्ण करेल, तेव्हा दोघं लग्न करतील.'

शाहिन-शाहिद आफ्रिदी

दुसरीकडे शाहिद आफ्रिदी याने देखील या दोघांचे लग्न होणार असल्याचे सांगितले आहे. या संदर्भात शाहिद आफ्रिदीने ट्विट केलं आहे. यात त्याने, दोन्ही कुटुंबाच्या सहमतीने माझ्या मुलीचा साखरपूडा होणार असल्याचे म्हटलं आहे.

शाहिनच्या कुटुंबाने माझ्या मुलीसाठी संपर्क केला. दोन्ही कुटुंब एकमेकांच्या संपर्कात आहेत. जोडी स्वर्गात बनवल्या जातात, जर अल्लाहची इच्छा असेल तर ही जोडी देखील बनेल. माझी प्रार्थना आहे की, शाहिनला खूप यश मिळो, असे देखील शाहिद आफ्रिदीने म्हटलं आहे.

दरम्यान, आफ्रिदीच्या कुटुंबातील जवळच्या नातेवाईकांनी दिलेल्या माहितीनुसार, लवकरच शाहिन आणि अक्सा यांचा साखरपूडा होणार आहे. त्यानंतर या दोघांचे लग्न दोन वर्षांनंतर होईल.

हेही वाचा -IND W vs SA W १st ODI : दक्षिण अफ्रिकेचा भारतावर ८ गडी राखून विजय

हेही वाचा -''बायोबबल तोड आणि...'', मालिकाविजयानंतर अश्विनच्या बायकोची प्रतिक्रिया