दुबई -चेन्नई सुपर किंग्जचा कर्णधार महेंद्रसिंह धोनीच्या ५ वर्षीय मुलीवर बलात्कार करण्याची धमकी एका माथेफिरू चाहत्याने दिली. या घटनेनंतर अनेकांनी आपल्या प्रतिक्रिया दिली. आता यावर पाकिस्तानचा माजी क्रिकेटपटू शाहिद आफ्रिदीने भाष्य केले आहे.
आफ्रिदीने एका ट्विटद्वारे या घटनेचा निषेध केला. तो म्हणाला, ''धोनी आणि त्याच्या कुटुंबीयांबद्दल नक्की काय घडले हे मला माहिती नाही. पण जो काही प्रकार घडला ते खूपच चुकीचा आणि अयोग्य आहे. असे व्हायला नको होते. भारतीय क्रिकेटचे जागतिक स्तरावर नाव उंचावण्यात धोनीचा सिंहाचा वाटा आहे. त्याने नवखे आणि अनुभवी अशा सर्व खेळाडूंना एकत्र घेऊन आपला क्रिकेटचा प्रवास केला. त्यामुळे धोनीच्या बाबतीत असे होणे बरोबर नाही.''