बर्मिंगहॅम - आयसीसी विश्वकरंडस स्पर्धेत भारत आणि बांगलादेश या सामन्यादरम्यान भारताचा माजी क्रिकेटपटू आणि समालोचक संजय मांजरेकर यांना सोशल मिडियावर ट्रोल करण्यात येत आहे. संजय मांजरेकर इतके वाईट समालोचक आहेत की चाहते टीव्ही म्यूट करून बघत आहेत. असा प्रकारच्या मजकूर पोस्ट करुन मांजरेकराना चाहत्यांनी धारेवर धरले आहे. तसेच काही चाहत्यांनी मांजरेकर यांना समालोचक म्हणून काढून टाकावं अशी मागणी केली आहे. महत्त्वाचे म्हणजे भारतात ट्विटरवर टॉप ट्रेंडमध्ये संजय मांजरेकर यांचे नाव आले असून चाहते मांजरेकर यांना ट्रोल करत आहेत.
महत्त्वाचे म्हणजे, या ट्विटमध्ये क्रिकेटपटू श्रीवत्स गोस्वामी यांनीही टीका केली आहे. ते म्हणतात, बांगलादेश सामन्यात धोनी बाद झाला तेव्हा प्रतिस्पर्धी संघापेक्षा मांजरेकर यांनाच आनंद जास्त झाल्याचे दिसत आहे.